മേവാ ലഡ്ഡു (പഞ്ചസാരയില്ലാതെ)
1. ബദാം - 10
2. കശുവണ്ടി- 10, പൊടിയായി അരിഞ്ഞത്
പിസ്ത- 10, പൊടിയായി അരിഞ്ഞത്
3. ഈന്തപ്പഴം കുരുവില്ലാതെ- 10, പൊടിയായി അരിഞ്ഞത്
ഉണക്കമുന്തിരി- 10, പൊടിയായി അരിഞ്ഞത്
പാകം ചെയ്യുന്ന വിധം
∙ ബദാം അഞ്ചു മിനിറ്റ് വെള്ളത്തിൽ കുതിർത്ത ശേഷം തൊലികളയുക. പിന്നീട് നന്നായി തുടച്ച് ഉണക്കിയ ശേഷം ചെറിയ കഷണങ്ങളായി അരിയുക.
∙ ഇതിൽ കശുവണ്ടിയും പിസ്തയും ചേർത്ത് എണ്ണയില്ലാതെ വറുക്കണം.
∙ ചൂടാറിയ ശേഷം ഈന്തപ്പഴവും ഉണക്കമുന്തിരിയുമായി യോജിപ്പിച്ച് ചെറിയ ഉരുളകളാക്കി വയ്ക്കുക.
∙ വായു കടക്കാത്ത പാത്രത്തിലാക്കി സൂക്ഷിക്കാം.