ഓറഞ്ച് കേർഡ് സൂഫ്ളെ
ബേസിന്
1.ഓറിയോ ബിസ്കറ്റ് – 100 ഗ്രാം
വെണ്ണ – 25 ഗ്രാം
ബദാം വറുത്തത് – 50 ഗ്രാം
ഓറഞ്ച് കേർഡിന്
2.മുട്ട – നാല്
3.പഞ്ചസാര – രണ്ടു കപ്പ്
ഓറഞ്ചുനീര് – മൂന്ന് ഓറഞ്ചിന്റേത്
നാരങ്ങാനീര് – ഒരു നാരങ്ങയുടേത്
4.വെണ്ണ – 50 ഗ്രാം
5.െജലറ്റിൻ – ഒന്നര വലിയ സ്പൂൺ
വെള്ളം – കാൽ കപ്പ്
6.മുട്ടവെള്ള – അഞ്ചു മുട്ടയുടേത്
മെറാങ്ങിന്
7.മുട്ടവെള്ള – ഒരു മുട്ടയുടേത്
ഐസിങ് ഷുഗർ – ഒരു ചെറിയ സ്പൂൺ
പാകം ചെയ്യുന്ന വിധം
ബേസ് തയാറാക്കാൻ ഒന്നാമത്തെ ചേരുവ ചേർത്തു പൊടിച്ചശേഷം സെറ്റ് ചെയ്യാനുള്ള പാത്രത്തിലാക്കി അമർത്തി വയ്ക്കണം.
ഓറഞ്ച് കേർഡ് തയാറാക്കാൻ മുട്ട ഒരു ബൗളിലാക്കി അടിക്കുക. ഇതിലേക്കു പഞ്ചസാരയും ഓറഞ്ച്–നാരങ്ങാ നീരുകളും ചേർത്തിളക്കി തിളയ്ക്കുന്ന വെള്ളത്തിനു മുകളിൽ പിടിച്ച് ഡബിൾബോയ്ലിങ് രീതിയിൽ കുറുക്കണം. സ്പൂണിനു പുറകിൽ മിശ്രിതം ഒട്ടിപിടിക്കുന്നതാണു പാകം.
ഇതിലേക്കു വെണ്ണ ചേർത്തു തുടരെയിളക്കണം. വെണ്ണ മുഴുവൻ അലിഞ്ഞശേഷം വാങ്ങി പാത്രം അതേപടി തണുത്തവെള്ളത്തിൽ ഇറക്കിവച്ചു തുടരെയിളക്കി മിശ്രിതം തണുപ്പിച്ചെടുക്കണം.
ജെലറ്റിൻ തണുത്ത വെള്ളത്തിൽ കുതിർത്ത് ഉരുക്കിയതും മുട്ടവെള്ള നന്നായി അടിച്ചു ബലം വരുത്തിയതിും ഓറഞ്ച് മിശ്രിതത്തിൽ ചേർത്തിളക്കി ബിസ്ക്കറ്റിനു മുകളിൽ ഒഴിച്ച്, സെറ്റാകാനായി ഫ്രിഡ്ജിൽ വയ്ക്കുക.
ഏഴാമത്തെ ചേരുവ നന്നായി അടിച്ചു കട്ടിയാക്കിയതിനുശേഷം സൂഫ്ളെയുടെ മുകളിലേക്കു പൈപ്പ് ചെയ്തശേഷം വീണ്ടും ഫ്രിഡ്ജിൽ വച്ചു സെറ്റ് ചെയ്യുക.