പുതിനവട
1.കടലപ്പരിപ്പ് – ഒരു കപ്പ്
അരി – ഒരു വലിയ സ്പൂൺ
2.ഇഞ്ചി അരച്ചത് – ഒരു വലിയ സ്പൂൺ
പച്ചമുളക് അരച്ചത് – ഒരു വലിയ സ്പൂൺ
3.സവാള – ഒന്ന്, അരിഞ്ഞത്
4.മല്ലിയില – അരക്കപ്പ്, അരിഞ്ഞത്
പുതിനയില – ഒന്നരക്കപ്പ്, അരിഞ്ഞത്
ഉപ്പ് – പാകത്തിന്
5.എണ്ണ – വറുക്കാൻ ആവശ്യത്തിന്
പാകം ചെയ്യുന്ന വിധം
∙ഒന്നാമത്തെ ചേരുവ ഒരു മണിക്കൂർ കുതിർത്തു വയ്ക്കുക. പിന്നീട് പാകത്തിനുപ്പും ചേർത്തു വെള്ളം ചേർക്കാതെ തരുതരുപ്പായി അരയ്ക്കുക.
∙ഇതിലേക്കു രണ്ടും മൂന്നും നാലും ചേരുവകൾ ചേർത്തിളക്കി കുഴച്ചു യോജിപ്പിക്കുക.
∙യോജിപ്പിച്ച മാവ്, പരിപ്പുവടയുടെ ആകൃതിയിലാക്കി, ചൂടായ എണ്ണയിലിട്ടു പൊരിച്ചെടുക്കണം.
