ക്വിക്ക് ഫിഷ് സൂപ്പ്
1.ഒരു കഷണം മീൻ വറുത്ത്, പിച്ചിക്കീറിയത് – കാൽ കപ്പ്
തക്കാളി പൊടിയായി അരിഞ്ഞത് – കാൽ കപ്പ്
സാലഡ് വെള്ളരിക്ക അരിഞ്ഞത് – കാൽ കപ്പ്
സെലറി പൊടിയായി അരിഞ്ഞത് – ഒരു വലിയ സ്പൂൺ
2.ഉപ്പ് – പാകത്തിന്
3.കോൺഫ്ളവർ – ഒരു വലിയ സ്പൂൺ നിറയെ
4.മുട്ട – ഒന്ന്, അടിച്ചത്
5.ഉപ്പ്, കുരുമുളകുപൊടി – പാകത്തിന്
പാകം ചെയ്യുന്ന വിധം
∙ഒന്നാമത്തെ ചേരുവ രണ്ടരക്കപ്പ് വെള്ളവും ഉപ്പും ചേർത്ത് അടച്ചുവച്ചു തിളപ്പിക്കുക. വെള്ളരിക്ക നിറംമാറി കണ്ണാടി പോലെയാകണം.
∙കോൺഫ്ളവർ ഒരു വലിയ സ്പൂൺ വെള്ളത്തിൽ അലിയിച്ച്, സൂപ്പിൽ ചേർത്തിളക്കുക.
∙സൂപ്പ് കുറുകിത്തുടങ്ങുമ്പോൾ, മുട്ട അടിച്ചതു നൂലുപോലെ അതിലേക്ക് ഒഴിക്കുക. തുടരെയിളക്കിക്കൊണ്ടു വേണം ഒഴിക്കാൻ.
∙പാകത്തിന് ഉപ്പും കുരുമുളകുപൊടിയും ചേർത്തു ചൂടോടെ വിളമ്പുക.