വനില ഐസ്ക്രീം
1. പാൽ - കാൽ കപ്പ്
കോൺഫ്ളോർ - 28 ഗ്രാം ( ഒരു ഒൗൺസ്)
മുട്ടമഞ്ഞ - രണ്ടു മുട്ടയുടേത്
പഞ്ചസാര പൊടിച്ചത് - 28 ഗ്രാം ( ഒരൗൺസ്)
2. പാൽ - ഒന്നേമുക്കാൽ കപ്പ്
3. വനില എസ്സൻസ് - ഒരു ചെറിയ സ്പൂൺ
4. മുട്ടവെള്ള - രണ്ടു മുട്ടയുടേത്
5. ക്രീം - അര-മുക്കാൽ കപ്പ്
പാകം ചെയ്യുന്ന വിധം
∙ ഒന്നാമത്തെ ചേരുവ യോജിപ്പിച്ചു വയ്ക്കുക.
∙ പാൽ ഒരു ബൗളിലാക്കി തിളയ്ക്കുന്ന വെള്ളത്തിൽ ഇറക്കി വച്ച് ചൂടാക്കുക.
∙ നന്നായി ചൂടാകുമ്പോൾ യോജിപ്പിച്ചു വച്ചിരിക്കുന്ന ഒന്നാമത്തെ ചേരുവ ചേർത്ത് ആറേഴു മിനിറ്റ് തുടരെയിളക്കുക. മിശ്രിതം നന്നായി കുറുകി വരുമ്പോൾ അടുപ്പിൽ നിന്നു വാങ്ങിയ ശേഷം വനില
എസ്സൻസ് ചേർത്തു ചൂടാറാൻ വയ്ക്കുക.
∙ മറ്റൊരു ബൗളിൽ മുട്ടവെള്ള നന്നായി അടിച്ചു കട്ടിയാകുമ്പോൾ ചൂടാറിയ മുട്ട-പാൽ മിശ്രിതത്തിൽ ചേർക്കുക.
∙ ക്രീം നന്നായി അടിച്ചതും ഈ കൂട്ടിൽ ചേർത്തിളക്കി ഫ്രീസറിൽ വയ്ക്കുക. പകുതി സെറ്റാകുമ്പോൾ വീണ്ടും പുറത്തെടുത്തു നന്നായി അടിച്ച ശേഷം വീണ്ടും ഫ്രീസറിൽ വച്ചു സെറ്റ് ചെയ്യുക.
