ചെമ്മീൻ കത്തിരിക്ക തീയൽ
1.ചെമ്മീൻ – അരക്കിലോ
2.തേങ്ങ ചുരണ്ടിയത് – ഒന്നരക്കപ്പ്
വെളുത്തുള്ളി – അഞ്ച് അല്ലി
കുരുമുളക് – ഒരു ചെറിയ സ്പൂൺ
മുളകുപൊടി – ഒരു വലിയ സ്പൂൺ
മല്ലിപ്പൊടി – ഒന്നര വലിയ സ്പൂൺ
3.എണ്ണ – ഒന്നര വലിയ സ്പൂൺ
4.കത്തിരിക്ക ഒന്നരയിഞ്ചു നീളത്തിൽ അരിഞ്ഞത് – 250 ഗ്രാം
സവാള – ഒന്ന്, നീളത്തിൽ അരിഞ്ഞത്
പച്ചമുളക് – നാല്, നീളത്തിൽ അരിഞ്ഞത്
കറിവേപ്പില – രണ്ടു തണ്ട്
5.വാളൻപുളി – രണ്ടു ചെറുനാരങ്ങയുടെ വലുപ്പത്തിൽ
6.ഉപ്പ് – പാകത്തിന്
7.എണ്ണ – ഒന്നര വലിയ സ്പൂൺ
8.വറ്റൽമുളക് – അഞ്ച്
കടുക് – രണ്ടു ചെറിയ സ്പൂണ്‍
കറിവേപ്പില – രണ്ടു തണ്ട്
പാകം ചെയ്യുന്ന വിധം
∙ചെമ്മീൻ വൃത്തിയാക്കി വയ്ക്കുക.
∙രണ്ടാമത്തെ ചേരുവ വറുത്തരച്ചു വയ്ക്കുക.
∙എണ്ണ ചൂടാക്കി, നാലാമത്തെ ചേരുവ വഴറ്റി പച്ചമണം മാറുമ്പോൾ ചെമ്മീനും ചേർക്കുക.
∙ഇതിലേക്കു വറുത്തരച്ച കൂട്ടു ചേർത്തിളക്കി പുളി പിഴിഞ്ഞൊഴിക്കുക.
∙പാകത്തിനു വെള്ളവും ഉപ്പും ചേർത്തു വേവിക്കുക.
∙എണ്ണയിൽ ഏഴാമത്തെ ചേരുവ മൂപ്പിച്ചു കറിയിൽ ഒഴിച്ചിളക്കുക.
