കരിക്ക് മൊളോഷ്യം
1.മൂത്ത കരിക്ക് – ഒരു മുറി
ഉരുളക്കിഴങ്ങ് – ഒരു വലുത്
തക്കാളി – ഒരു വലുത്
ചുവന്നുള്ളി – ഏഴ്–എട്ട്
2.വെള്ളം – പാകത്തിന്
മഞ്ഞൾപ്പൊടി – കാൽ ചെറിയ സ്പൂൺ
മുളകുപൊടി – ഒന്ന്–രണ്ടു ചെറിയ സ്പൂൺ
ഉപ്പ് – പാകത്തിന്
3.കട്ടിത്തേങ്ങാപ്പാൽ – അരക്കപ്പ്
4.വെളിച്ചെണ്ണ – ഒരു ചെറിയ സ്പൂൺ
കറിവേപ്പില – രണ്ടു തണ്ട്
കായം, പൊടിച്ചത് – കാൽ ചെറിയ സ്പൂൺ
പാകം ചെയ്യുന്ന വിധം
∙ഒന്നാമത്തെ ചേരുവ പൊടിയായി അരിഞ്ഞതിൽ രണ്ടാമത്തെ ചേരുവ ചേർത്തു കുക്കറിലാക്കി രണ്ടു വിസിൽ വരും വരെ വേവിക്കുക.
∙പ്രഷർ പോയ ശേഷം കുക്കർ തുറന്ന് തവി കൊണ്ട് ഉരുളക്കിഴങ്ങ് മെല്ലേ ഒന്നുടയ്ക്കണം.
∙തേങ്ങാപ്പാലും ചേർത്തു ചൂടാക്കി തിളയ്ക്കും മുൻപ് വാങ്ങുക.
∙ഇതിൽ നാലാമത്തെ ചേരുവ ചേർത്ത് ഇളക്കി വിളമ്പാം.
