പുളിശ്ശേരി
1.കുമ്പളങ്ങ – 200 ഗ്രാം
മത്തങ്ങ – 200 ഗ്രാം
പച്ചമുളക് – രണ്ട്
മഞ്ഞൾപ്പൊടി – കാൽ ചെറിയ സ്പൂൺ
ഉപ്പ് – പാകത്തിന്
വെള്ളം – പാകത്തിന്
2.തേങ്ങ ചുരണ്ടിയത് – രണ്ടു കപ്പ്
ജീരകം – ഒരു വലിയ സ്പൂൺ
പച്ചമുളക് – രണ്ട്
മഞ്ഞൾപ്പൊടി – അര ചെറിയ സ്പൂൺ
വെള്ളം – പാകത്തിന്
3.പുളിയുള്ള തൈര് – 500 മില്ലി
4.വെളിച്ചെണ്ണ – രണ്ടു വലിയ സ്പൂൺ
5.കടുക് – ഒരു ചെറിയ സ്പൂമ്‍
ഉലുവ – അര ചെറിയ സ്പൂൺ
വറ്റൽമുളക് – മൂന്ന്
കറിവേപ്പില – രണ്ടു തണ്ട്
മുളകുപൊടി – കാൽ ചെറിയ സ്പൂൺ
പാകം ചെയ്യുന്ന വിധം
∙ഒന്നാ‌മത്തെ ചേരുവ യോജിപ്പിച്ച് പ്രഷർകുക്കറിൽ ഒരു വിസിൽ വരുന്നതു വരെ വേവിക്കുക. വെന്ത് ഉടഞ്ഞു പോകരുത്.
∙രണ്ടാമത്തെ ചേരുവ യോജിപ്പിച്ച് നന്നായി അരച്ചെടുക്കുക.
∙ഇത് വേവിച്ചു വച്ചിരിക്കുന്ന കുമ്പളങ്ങ മത്തങ്ങ കൂട്ടിൽ ചേർത്ത് വേവിക്കുക.
∙ഇതിലേക്ക് തൈര് അല്പം വെള്ളം ചേർത്ത് മിക്സിയിൽ ഒന്ന് അടിച്ച് ചേർക്കുക. കൈവിടാതെ ഇളക്കി യോജിപ്പിക്കണം.
∙തിളയ്ക്കുന്നതിനു മുമ്പായി വാങ്ങി വയ്ക്കണം.
∙ഇതിലേക്ക് വെളിച്ചെണ്ണ ചൂടാക്കി അഞ്ചാമത്തെ ചേരുവ ചേർത്തു മൂപ്പിച്ചു പുളിശ്ശേരിയിൽ ഒഴിച്ചു വിളമ്പാം.
