മുറുക്ക്
1.ഉഴുന്നു പരിപ്പ് - അരക്കപ്പ്
2.ചെറുപയർപരിപ്പ് - കാൽ കപ്പ്
3.വെള്ളം - ഒന്നരക്കപ്പ്
4.അരിപ്പൊടി - ഒന്നരക്കപ്പ്
5.കായപ്പൊടി - കാൽ ചെറിയ സ്പൂൺ
6.എള്ള് - ഒരു ചെറിയ സ്പൂൺ
7.ജീരകം - ഒരു ചെറിയ സ്പൂൺ
8.ഉപ്പ് – പാകത്തിന്
9.എണ്ണ – വറുക്കാൻ ആവശ്യത്തിന്
പാകം ചെയ്യുന്ന വിധം
∙അരക്കപ്പ് ഉഴുന്നു പരിപ്പ്, കാൽ കപ്പ് ചെറുപയർപരിപ്പ് എന്നിവ ഒന്നരക്കപ്പ് വെള്ളം ചേർത്തു കുക്കറിൽ വേവിക്കുക.
∙അടുപ്പിൽ നിന്നു വാങ്ങി ചൂടാറിയ ശേഷം ഒന്നരക്കപ്പ് അരിപ്പൊടി, കാൽ ചെറിയ സ്പൂൺ കായപ്പൊടി, ഒരു ചെറിയ സ്പൂൺ എള്ള്, ഒരു ചെറിയ സ്പൂൺ ജീരകം, പാകത്തിനുപ്പ് എന്നിവ ചേർത്തു നന്നായി കുഴയ്ക്കുക.
∙ഈ മാവ് മുറുക്കിന്റെ അച്ചിട്ട സേവനാഴിയിലാക്കി തിളയ്ക്കുന്ന എണ്ണയിലേക്കു ചുറ്റിച്ചു പിഴിഞ്ഞു വറുക്കുക.
∙മുറുക്കു നന്നായി മൂത്തു ഗോൾഡൻ ബ്രൗൺ നിറമാകുമ്പോൾ കോരുക.