മുട്ടക്കപ്പ
1.വെളുത്തുള്ളി – മൂന്ന് അല്ലി
ചുവന്നുള്ളി – മൂന്ന്
ഇഞ്ചി – ഒരു ചെറിയ കഷണം
വറ്റൽമുളക് – പാകത്തിന്
2.കപ്പ്– അരക്കിലോ
ഉപ്പ് – പാകത്തിന്
മഞ്ഞൾപ്പൊടി – കാൽ ചെറിയ സ്പൂൺ
3.വെളിച്ചെണ്ണ – മൂന്നു വലിയ സ്പൂൺ
4.കടുക് – അര ചെറിയ സ്പൂൺ
5.സവാള – രണ്ട്
പച്ചമുളക് – രണ്ട്
കറിവേപ്പില – ഒരു തണ്ട്
6.മുട്ട – രണ്ട്
7.കുരുമുളകുപൊടി – കാൽ ചെറിയ സ്പൂൺ
8.വെളിച്ചെണ്ണ – അൽപം
പാകം ചെയ്യുന്ന വിധം
∙ഒന്നാമത്തെ ചേരുവ ചതച്ചെടുക്കുക.
∙കപ്പ ചതുരക്കഷണങ്ങളാക്കി നാരുകളഞ്ഞ് ഉപ്പും മഞ്ഞൾപ്പൊടിയും ചേർത്തു വേവിച്ച് ഊറ്റിവയ്ക്കുക.
∙ഒരു പാനിൽ വെളിച്ചെണ്ണ ചൂടാക്കി കചുക് പൊട്ടിച്ചശേഷം ചതച്ചെടുത്ത മിശ്രിതവും അഞ്ചാമത്തെ ചേരുവയും ചേർത്തു വഴറ്റുക.
∙സവാളയുടെ നിറം മാറുമ്പോൾ വേവിച്ചു വച്ചിരിക്കുന്ന കപ്പ ചേർത്തിളക്കുക.
∙ഇതിലേക്ക് മുട്ടയും ഉപ്പും കുരുമുളകും ചേർത്തിളക്കി മുട്ട വെന്തു കഴിയുമ്പോൾ വെളിച്ചെണ്ണ ചേർത്തിളക്കി ചൂടോടെ വിളമ്പുക.