അലീസ
1.മട്ടൺ/ചിക്കൻ എല്ലില്ലാതെ – 200 ഗ്രാം
2.ഗോതമ്പു തൊലി കളഞ്ഞത് – 250 ഗ്രാം
സവാള – ഒന്ന്, അരിഞ്ഞത്
ഇഞ്ചി ചതച്ചത് – കാൽ ചെറിയ സ്പൂൺ
വെളുത്തുള്ളി ചതച്ചത് – കാൽ ചെറിയ സ്പൂൺ
കറുവാപ്പട്ട – ഒരിഞ്ചു കഷണം
ഗ്രാമ്പൂ – മൂന്ന്
ഉപ്പ് – പാകത്തിന്
3.നെയ്യ് – അഞ്ചു വലിയ സ്പൂൺ
4.ചുവന്നുള്ളി – നാല്–അഞ്ച്, പൊടിയായി അരിഞ്ഞത്
5.പഞ്ചസാര – അൽപം
പാകം ചെയ്യുന്ന വിധം
∙മട്ടൺ/ചിക്കൻ ചെറിയ ചതുരകഷണങ്ങളാക്കുക.
∙ഇതിൽ രണ്ടാമത്തെ ചേരുവയും പാകത്തിനു വെള്ളവും ചേർത്തു ചെറുതീയിൽ വച്ചു വേവിക്കുക.
∙ഇടയ്ക്കിടെ ഇളക്കിക്കൊടുക്കണം. ഗോതമ്പു നന്നായി വെന്തു മൃദുവാകുന്നതാണ് കണക്ക്. ഗോതമ്പിന്റെ മേന്മയനുസരിച്ച് ഇത് ഒരു മണിക്കൂർ വരെ നീളാം.
∙വെന്തശേഷം അടുപ്പിൽ നിന്നു വാങ്ങി ഒരു തടിസ്പൂൺ കൊണ്ടു നന്നായി ഉടച്ചു കുറുക്കു പോലെയാകണം.
∙രണ്ടര വലിയ സ്പൂൺ നെയ്യ് ചൂടാക്കി ചുവന്നുള്ളി മൂപ്പിച്ചു ഗോതമ്പുകൂട്ടിൽ ചേർക്കുക.
∙അലീസ വിളമ്പാനുള്ള പാത്രത്തിലാക്കി ചുവന്നുള്ളി വറുത്ത നെയ്യ് അങ്ങിങ്ങായി ഒഴിച്ചു മിനുസപ്പെടുത്തണം. നടുവിൽ ഒരു കുഴിയുണ്ടാക്കി അതിലും നെയ്യ് ഒഴിക്കാം.
∙ചൂടോടെ പഞ്ചസാരയ്ക്കൊപ്പം വിളമ്പാം.