അവലിന്
1. അവൽ – ഒന്നേ മുക്കാൽ കപ്പ്
തേങ്ങ ചുരണ്ടിയത് – ഒരു കപ്പ്
നെയ്യ് – ഒരു ചെറിയ സ്പൂൺ
2. പഞ്ചസാര/ശർക്കര ചുരണ്ടിയത് – പാകത്തിന്
ഏലയ്ക്കാപ്പൊടി – ഒരു നുള്ള്
ഉപ്പേരിക്ക്
3. ഏത്തയ്ക്ക – നാല്
4. ഉപ്പ് – പാകത്തിന്
5. മഞ്ഞൾപ്പൊടി – അര ചെറിയ സ്പൂൺ
6. വെളിച്ചെണ്ണ – വറുക്കാൻ ആവശ്യത്തിന്
പാകം ചെയ്യുന്ന വിധം
∙ അവലും തേങ്ങയും നെയ്യും നന്നായി തിരുമ്മി യോജിപ്പിച്ച് 10 മിനിറ്റ് വയ്ക്കുക. ഇതിലേക്ക് പഞ്ചസാരയും ഏലയ്ക്കാപ്പൊടിയും ചേർത്തിളക്കി വയ്ക്കുക.
∙ ഉപ്പേരിയുണ്ടാക്കാൻ ഏത്തയ്ക്ക കനം കുറച്ച് അരിഞ്ഞ് മഞ്ഞൾ ചേർത്ത വെള്ളത്തിൽ 15 മിനിറ്റ് ഇട്ടു വയ്ക്കുക.
∙ പാനിൽ എണ്ണ ചൂടാക്കി ഏത്തയ്ക്ക കഷണങ്ങൾ കുറേശ്ശെ യിട്ടു വറുക്കുക. ഇടയ്ക്ക് ഇളക്കിക്കൊടുക്കണം.
∙ ഇതിലേക്ക് ഉപ്പു ചേർത്ത വെള്ളം തളിച്ച് ഒരു മിനിറ്റ് അടച്ചു വച്ച ശേഷം നന്നായി ഇളക്കി വറുത്തു കോരിയെടുക്കുക.
∙ അവൽ നനച്ചതിൽ ഉപ്പേരി നുറുക്കിയതു ചേർത്തിളക്കി വിളമ്പാം.
പുട്ടും ലഡ്ഡുവും ടേസ്റ്റി ബഡീസ്...
കപ്പയും കാച്ചിയ മോരും മീൻ വേവിച്ചതും; ഒരു കിടിലന്‍ കോമ്പിനേഷന്‍...
രുചിക്കൂട്ടായി കൊഴുക്കട്ടയും ചമ്മന്തിയും...
തയാറാക്കിയത്- ശില്‌പ ബി. രാജ്
ഫോട്ടോയ്ക്കു വേണ്ടി വിഭവങ്ങൾ തയാറാക്കിയത്: റെജിമോൻ പി. എസ്. ഷെഫ് ഡി പാർട്ടി, ക്രൗൺ പ്ലാസ, കൊച്ചി
