1. നെയ്യ് ഉരുക്കിയത് – കാൽ കപ്പ്
2. തേങ്ങാക്കൊത്ത് – അരക്കപ്പ്
എള്ള് – അരക്കപ്പ്
പൊരിക്കടല വറുത്തത് – ഒരു കപ്പ്
3. ശർക്കര – ഒന്നരക്കിലോ
വെള്ളം – മൂന്നുകപ്പ്
4. തേങ്ങ – നാല്, ചുരണ്ടിയത്
5. അവൽ – അരക്കിലോ
6. ഏലയ്ക്ക പൊടിച്ചത് – രണ്ടു ചെറിയ സ്പൂൺ
പാകം ചെയ്യുന്ന വിധം
∙ പാനിൽ നെയ്യ് ചൂടാക്കി രണ്ടാമത്തെ ചേരുവ മെല്ലേ വറുത്തു മാറ്റിവയ്ക്കുക.
∙ ശർക്കരയിൽ വെള്ളം ചേർത്തുരുക്കി അരിച്ചെടുക്കുക. ആറു കപ്പ് പാനി വേണം.
∙ ഉരുളി ചൂടാക്കി ശർക്കരപ്പാനി ഒഴിച്ചു തിളപ്പിക്കുക. വെട്ടിത്തിളയ്ക്കുമ്പോൾ തേങ്ങ ചുരണ്ടിയതിട്ട് തീ കുറച്ചു വച്ചു തുടരെയിളക്കണം.
∙ തേങ്ങയിലെ വെള്ളം വറ്റി പാനി ഒരുനൂൽ പരുവമാകുമ്പോൾ ഉരുളി വാങ്ങി വയ്ക്കുക. ചൂടാറിയ ശേഷം അവൽ ചേർത്തിളക്കുക.
∙ അവൽ നന്നായി യോജിച്ച ശേഷം രണ്ടാമത്തെ ചേരുവ വറുത്തതും ഏലയ്ക്കാപ്പൊടിയും ചേർക്കുക.
∙ ഉണങ്ങിയ പാത്രത്തിൽ നിരത്തി ചൂടാറിയ ശേഷം വെള്ളമയമില്ലാത്ത പാത്രത്തിൽ സൂക്ഷിക്കാം.
Recipe: ലത ധരൻ, പത്തനംതിട്ട