ബീഫ് തോരൻ
1.മാട്ടിറച്ചി – അരക്കിലോ
2.മഞ്ഞള്‍പ്പൊടി – കാൽ ചെറിയ സ്പൂണ്‍
ഉപ്പ് – പാകത്തിന്
3.വെളിച്ചെണ്ണ – രണ്ടു ചെറിയ സ്പൂൺ
4.പച്ചമുളക് – എട്ട്
വെളുത്തുള്ളി – ആറ് അല്ലി
ചുവന്നുള്ളി – രണ്ട്
5.കറിവേപ്പില – രണ്ടു തണ്ട്
6.തേങ്ങ – അര മുറി
പാകം ചെയ്യുന്ന വിധം
∙ഇറച്ചി ചെറിയ കഷണങ്ങളാക്കി ഉപ്പും മഞ്ഞൾപ്പൊടിയും പാകത്തിനു വെള്ളവും ചേർത്തു പ്രഷർ കുക്കറിൽ വേവിക്കുക.
∙ചീനച്ചട്ടിയിൽ എണ്ണ ഒഴിച്ച് പച്ചമുളക്, വെളുത്തുള്ളി, ചുവന്നുള്ളി എന്നിവ ചതച്ചത് ഇട്ടു മൂപ്പിക്കുക.
∙കറിവേപ്പില ചേർത്തിളക്കിയ ശേഷം തേങ്ങ ചിരവിയതും ചേർത്തു നന്നായി യോജിപ്പിക്കുക.
∙വേവിച്ച ഇറച്ചിയും ചേർത്തു യോജിപ്പിച്ചശേഷം വാങ്ങുക.
