ബ്രെഡ് ബോണ്ട
1. ബ്രെഡ് – ആറു സ്ലൈസ്
അരികു കളഞ്ഞു ചതുരക്കഷണങ്ങളാക്കിയത്
2. എണ്ണ – ഒരു വലിയ സ്പൂൺ
3. സവാള – ഒന്ന്, പൊടിയായി അരിഞ്ഞത്
പച്ചമുളക് – രണ്ട് വട്ടത്തില് അരിഞ്ഞത്
4. ഉരുളക്കിഴങ്ങ് – നാല്, പുഴുങ്ങിപ്പൊടിച്ചത്
ഉപ്പ് – പാകത്തിന്
5. പനീർ – മുക്കാൽ കപ്പ്, പൊടിച്ചത്
മല്ലിയില അരിഞ്ഞത് – ഒരു വലിയ സ്പൂൺ
മാവിന്
6. കടലമാവ് – മുക്കാൽ കപ്പ്
കായംപൊടി – ഒരു നുള്ള്
മുളകുപൊടി – ഒരു ചെറിയ സ്പൂൺ
വെള്ളം – മുക്കാൽ കപ്പ്
ഉപ്പ് – പാകത്തിന്
7. എണ്ണ – വറുക്കാൻ ആവശ്യത്തിന്
പാകം െചയ്യുന്ന വിധം
∙ ഒരു വലിയ സ്പൂൺ എണ്ണ ചൂടാക്കി സവാളയും പച്ചമുളകും ചേർത്തു വഴറ്റുക.
∙ സവാള വഴന്നു വരുമ്പോൾ ഉപ്പും ഉരുളക്കിഴങ്ങു പുഴുങ്ങിപ്പൊടിച്ചതും ചേർത്തു നന്നായി യോജിപ്പിക്കുക.
∙ ഇതിലേക്ക് അഞ്ചാമത്തെ ചേരുവയും റൊട്ടിയും ചേർത്തു യോജിപ്പിക്കുക. ആവശ്യമെങ്കിൽ അൽപം വെള്ളം തളിച്ചുകൊടുക്കാം. ഇതില് നിന്ന് എട്ടു–പത്ത് ഇടത്തരം ഉരുളകൾ തയാറാക്കുക.
∙ ആറാമത്തെ ചേരുവ കലക്കി മാവു തയറാക്കുക. ഓരോ ഉരുളയും മാവില് മുക്കി ചൂടായ എണ്ണയിൽ ഗോൾഡൻബ്രൗൺ നിറത്തിൽ വറുത്തു കോരുക.
∙ ചട്നിക്കോ സോസിനോ ഒപ്പം വിളമ്പാം.