കാരറ്റ് വൈൻ
1.കാരറ്റ് – മൂന്നു കിലോ
വെള്ളം – അഞ്ചു ലിറ്റർ
2.ഓറഞ്ച് – രണ്ട്
ചെറുനാരങ്ങ – രണ്ട്
3.പഞ്ചസാര – രണ്ടു കിലോ
4.കിസ്മിസ് – 300 ഗ്രാം, ചെറുതായി അരിഞ്ഞത്
ഉണ്ട ഗോതമ്പ് – അരക്കിലോ, കഴുകി വാരി ചതച്ചത്
5.യീസ്റ്റ് – ഒരു ഔൺസ്
പാകം ചെയ്യുന്ന വിധം
∙കാരറ്റ്, തൊലിയും നടുവിലുള്ള കാമ്പും കളഞ്ഞു കഷണങ്ങളാക്കി അഞ്ചു ലിറ്റർ വെള്ളത്തിൽ വേവിക്കുക.
∙ഇതിൽ ഓറഞ്ചും ചെറുനാരങ്ങയും തൊലിയോടു കൂടെ ചെറുതായി അരിഞ്ഞു ചേർക്കുക.
∙ഇതു ഭരണിയിലാക്കി പഞ്ചസാരയും ചേർത്തിളക്കുക.
∙ചൂടാറിയ ശേഷം കിസ്മിസും ഗോതമ്പും ചേർക്കുക.
∙ഇതിനു മുകളിൽ യീസ്റ്റ് വിതറി, മൂടിക്കെട്ടി മൂന്നാഴ്ച വയ്ക്കുക.
∙ദിവസേന നിശ്ചിത സമയത്തു മരത്തവികൊണ്ട് അഞ്ചു മിനിറ്റ് ഇളക്കുക.
∙പിന്നീട് ഊറ്റി അരിച്ച്, അതേ ഭരണി തന്നെ കഴുകി തുടച്ചതിൽ ഒഴിച്ച് 21 ദിവസം അനക്കാതെ വയ്ക്കുക.
∙പിന്നീട് തെളി ഊറ്റി കുപ്പികളിലാക്കി സൂക്ഷിക്കാം.