1. നന്നായി പഴുത്ത ചക്കച്ചുള പൊടിയായി അരിഞ്ഞത് – പാകത്തിന്
2. നെയ്യ് – 50 ഗ്രാം
3. ശർക്കരപ്പാനി – അരക്കിലോ ശർക്കര ഉരുക്കി അരിച്ചത്
4. രണ്ടു വലിയ തേങ്ങ ചുരണ്ടിപ്പിഴിഞ്ഞെടുത്ത മൂന്നാംപാൽ – രണ്ടരക്കപ്പ്
രണ്ടാംപാൽ – രണ്ടരക്കപ്പ്
ഒന്നാംപാൽ – ഒരു കപ്പ്
5. ഉപ്പ് – ഒരു നുള്ള്
ഏലയ്ക്കാപ്പൊടി – ഒരു ചെറിയ സ്പൂൺ
ചുക്കുപൊടി – അര ചെറിയ സ്പൂൺ
ജീരകപ്പൊടി – അര ചെറിയ സ്പൂൺ
പഞ്ചസാര – ഒരു വലിയ സ്പൂൺ
6. നെയ്യ് – പാകത്തിന്
7. തേങ്ങാക്കൊത്ത് – ഒരു വലിയ സ്പൂൺ
കശുവണ്ടിപ്പരിപ്പ് പിളർന്നത് – അൽപം
ഉണക്കമുന്തിരി – അൽപം
പാകം െചയ്യുന്ന വിധം
∙ ഉരുളിയിൽ അൽപം നെയ്യ് ചൂടാക്കി ചക്ക ചേർത്തു വഴറ്റുക.
∙ അൽപസമയം വഴറ്റിയ ശേഷം അൽപം വെള്ളം ചേർത്തു നന്നായി അരച്ചെടുക്കണം.
∙ അതേ ഉരുളിയിൽ അൽപം നെയ്യൊഴിച്ചു ചൂടാകുമ്പോൾ ചക്ക അരച്ചതു ചേർത്തു വഴറ്റണം. അടിയിൽ പിടിക്കാതെ ഇളക്കിയ ശേഷം ശർക്കരപ്പാനി ചേർത്തു നന്നായി ഇളക്കി യോജിപ്പിക്കുക. ഇടയ്ക്കിടെ അൽപാൽപം നെയ്യൊഴിച്ചു കൊടുക്കാം.
∙ ഇതിലേക്കു മൂന്നാംപാൽ ചേർത്ത് അടിയിൽ പിടിക്കാതെ ഇളക്കിയ ശേഷം രണ്ടാംപാലൊഴിച്ചു നന്നായി ഇളക്കുക.
∙ ഇതിലേക്ക് അഞ്ചാമത്തെ ചേരുവ ചേർത്തു നന്നായി ഇള ക്കി യോജിപ്പിക്കുക.
∙ ചീനച്ചട്ടിയിൽ നെയ്യ് ചൂടാക്കി ഏഴാമത്തെ ചേരുവ വറുത്തു കോരുക. ഇതു പ്രഥമനിൽ ഒഴിച്ചിളക്കി അരമണിക്കൂർ ആവി പോകും വിധത്തിൽ അടച്ചു വയ്ക്കണം.
∙ പ്രഥമൻ നന്നായി സെറ്റായ ശേഷം മാത്രം ഇളക്കുക.
ശില്പ ബി രാജ്
പാചകക്കുറിപ്പ് കടപ്പാട്: ശാന്ത അരവിന്ദൻ
എടക്കാട്, കോഴിക്കോട്
ഫോട്ടോയ്ക്കു വേണ്ടി വിഭവങ്ങൾ തയാറാക്കിയത്: പ്രജിത് പി. പി.ഷെഫ് ഡി പാർട്ടി, ക്രൗൺ പ്ലാസ, കൊച്ചി
