ചക്കപ്പുഴുക്ക്
1. വൻപയര് – അരക്കപ്പ്
2. ഉപ്പ് – പാകത്തിന്
3. പച്ചച്ചക്ക കഷണങ്ങളാക്കിയത് – രണ്ടു കപ്പ്
4. തേങ്ങ ചുരണ്ടിയത് – ഒരു കപ്പ്
പച്ചമുളക്/വറ്റൽമുളക് – മൂന്ന്–നാല്
ജീരകം – കാല് ചെറിയ സ്പൂൺ
5. കറിവേപ്പില – അൽപം
തേങ്ങ ചുരണ്ടിയത് – ഒരു കപ്പ്
വെളിച്ചെണ്ണ – ഒരു വലിയ സ്പൂൺ
പാകം ചെയ്യുന്ന വിധം
∙ പയര് രണ്ടാമത്തെ ചേരുവ ചേർത്തു കുക്കറിലാക്കി രണ്ട്–മൂന്നു വിസിൽ വരും വരെ വേവിക്കുക.
∙ ഇതിലേക്കു ചക്കയും വളരെക്കുറച്ചു വെള്ളവും ചേർത്തു രണ്ടു വിസിൽ വരും വരെ വേവിക്കണം.
∙ ഇതിൽ നാലാമത്തെ ചേരുവ അരച്ചതു ചേർത്തു മെല്ലേ ഒ ന്നിളക്കി ഇടത്തരം തീയിൽ വച്ചു രണ്ടു മിനിറ്റ് വേവിക്കുക.
∙ അൽപം കുറുകുമ്പോൾ വാങ്ങി അഞ്ചാമത്തെ ചേരുവ ചേ ർത്തിളക്കി യോജിപ്പിക്കുക.
∙ സാധാരണ മഞ്ഞൾപ്പൊടി ചേർക്കാതെയാണു പുഴുക്കു തയാറാക്കുന്നത്. ആവശ്യമുള്ളവർക്കു മഞ്ഞൾപ്പൊടി ചേർക്കാം.
∙ പുഴുക്കു ചൂടോടെ കഞ്ഞിക്കൊപ്പം വിളമ്പാം.