ഈസി ചെമ്മീൻ മസാല
1.ചെമ്മീൻ തൊണ്ടും നാരും കളഞ്ഞത് – അരക്കിലോ
2.ഉപ്പ് – പാകത്തിന്
മഞ്ഞൾപ്പൊടി – അൽപം
3.വെളിച്ചെണ്ണ – അഞ്ചു വലിയ സ്പൂൺ
4.സവാള – മൂന്ന്, പൊടിയായി അരിഞ്ഞത്
5.കറിവേപ്പില – ഒരു തണ്ട്
6.വെളുത്തുള്ളി – 10 അല്ലി, പൊടിയായി അരിഞ്ഞത്
7.മഞ്ഞൾപ്പൊടി – ഒരു ചെറിയ സ്പൂൺ
മുളകുപൊടി – ഒരു വലിയ സ്പൂൺ
മല്ലിപ്പൊടി – അര വലിയ സ്പൂൺ
8.തക്കാളി – രണ്ട്, പൊടിയായി അരിഞ്ഞത്
9.കട്ടിത്തേങ്ങാപ്പാൽ – ഒരു കപ്പ്
10.മല്ലിയില പൊടിയായി അരിഞ്ഞത് – രണ്ടു വലിയ സ്പൂൺ
പാകം ചെയ്യുന്ന വിധം
∙ചെമ്മീൻ കഴുകി വൃത്തിയാക്കി ഉപ്പും മഞ്ഞൾപ്പൊടിയും പുരട്ടി അൽപ സമയം വയ്ക്കുക. ഇതു വേവിച്ചു വെള്ളം വറ്റിച്ചെടുക്കണം.
∙ചീനച്ചട്ടിയിൽ എണ്ണ ചൂടാക്കി സവാള നന്നായി വഴറ്റുക. ഇതിൽ കറിവേപ്പിലയും വെളുത്തുള്ളിയും ചേർത്തു വഴറ്റി മൂത്തമണം വരുമ്പോൾ ചെറുതീയിലാക്കി ഏഴാമത്തെ ചേരുവ ചേർത്തു വഴറ്റണം.
∙ഇതിൽ തക്കാളി ചേർത്തു വഴറ്റി നന്നായി വാടുമ്പോൾ ചെമ്മീൻ ചേർത്ത് അൽപം സമയം ചെറുതീയിൽ വഴറ്റുക.
∙കട്ടിത്തേങ്ങാപ്പാൽ ചേർത്തു തിളച്ചു തുടങ്ങുമ്പോൾ മല്ലിയില വിതറി വാങ്ങാം.
