1. ചിക്കൻ – ഒരു കിലോ
2. ഉപ്പ്, കുരുമുളകുപൊടി – പാകത്തിന്
3. തക്കാളി – നാല്
4. എണ്ണ – മൂന്നു വലിയ സ്പൂൺ
5. സവാള – മൂന്ന്, കഷണങ്ങളാക്കിയത്
6. മുളകുപൊടി – അര വലിയ സ്പൂൺ
മഞ്ഞൾപ്പൊടി – ഒരു നുള്ള്
പച്ചമുളക് – 10, പിളര്ന്നത്
7. ചീസ് – ഒരു ക്യൂബ്
മല്ലിയില അരിഞ്ഞത് – ഒരു വലിയ സ്പൂൺ
പാകം െചയ്യുന്ന വിധം
∙ ചിക്കൻ വൃത്തിയാക്കി കഷണങ്ങളാക്കി ഉപ്പും കുരുമുളകുപൊടിയും പുരട്ടി കുറച്ചു സമയം വയ്ക്കുക.
∙ തക്കാളി തിളച്ച വെള്ളത്തിലിട്ടെടുത്തു തൊലി കളഞ്ഞ ശേഷം മിക്സിയിൽ അടിച്ച് അരിച്ചെടുക്കണം.
∙ എണ്ണ ചൂടാക്കി സവാള വഴറ്റിയ ശേഷം തക്കാളി അരച്ചതു ചേർത്തു നന്നായി ഇളക്കുക.
∙ നന്നായി തിളയ്ക്കുമ്പോൾ ഇതിലേക്ക് ആറാമത്തെ ചേരുവ ചേർത്തിളക്കുക.
∙ മസാല മൂത്ത മണം വരുമ്പോൾ പുരട്ടി വച്ചിരിക്കുന്ന ചിക്കൻ ചേർത്തു ചെറുതീയിൽ വേവിക്കുക.
∙ നന്നായി വെന്ത ശേഷം ഉപ്പു പാകത്തിനാക്കി വാങ്ങി വിളമ്പാനുള്ള പ്ലേറ്റിലാക്കുക.
∙ മുകളിൽ ചീസ് ഗ്രേറ്റ് ചെയ്തതും മല്ലിയില അരിഞ്ഞതും വിതറി വിളമ്പാം.