ചിക്കൻ കോൺ സൂപ്പ്
1.വെള്ളം – രണ്ടു ലിറ്റർ
2.ചിക്കന് – അരക്കിലോ
സവാള – ഒന്ന്, അരിഞ്ഞത്
പച്ചമുളക് – മൂന്ന്
വെളുത്തുള്ളി – നാല് അല്ലി
കാരറ്റ് – ഒരു ചെറുത്, കഷണങ്ങളാക്കിയത്
ഇഞ്ചി – ഒരിഞ്ചു കഷണം
ചിക്കൻ ക്യൂബ് – രണ്ട്
സോയ സോസ് – ആറു വലിയ സ്പൂൺ
വിനാഗിരി – രണ്ടു വലിയ സ്പൂൺ
നാരങ്ങാനീര് – രണ്ടു വലിയ സ്പൂൺ
ചില്ലി സോസ് – നാലു വലിയ സ്പൂൺ
കുരുമുളകുപൊടി – ഒരു ചെറിയ സ്പൂൺ
ബ്രൺ ഷുഗർ – ഒരു ചെറിയ സ്പൂൺ
ഉപ്പ് – പാകത്തിന്
3.കോൺ വേവിച്ചത് – ഒരു കപ്പ്
4.കോൺഫ്ളോർ – അഞ്ചു വലിയ സ്പൂൺ
വെള്ളം – ഒരുകപ്പ്
5.മുട്ട – ഒന്ന്, അടിച്ചത്
പാകം ചെയ്യുന്ന വിധം
∙ഒരു വലിയ പാത്രത്തിൽ വെള്ളം തിളപ്പിക്കണം.
∙ഇതിലോക്കു രണ്ടാമത്തെ ചേരുവ ചേർത്തു വേവിച്ചു തണുക്കുമ്പോൾ അരിച്ചെടുക്കണം.
∙ചിക്കൻ കഷണങ്ങൾ കൈകൊണ്ടു ചെറിയ കഷണങ്ങളാക്കി വയ്ക്കുക.
∙ഇഞ്ചി മാറ്റി ബാക്കി കഷണങ്ങൾ നന്നായി അരച്ചു വയ്ക്കണം.
∙അരക്കപ്പ് കോൺ മാറ്റി ബാക്കി അരച്ചു സൂപ്പിൽ ചേർക്കണം.
∙ചിക്കൻ കഷണങ്ങളും, കാരറ്റ് സവാള മിശ്രിതവും കോണും സൂപ്പിൽ ചേർത്തു തിളപ്പിക്കണം.
∙കോൺഫ്ളോർ വെള്ളത്തിൽ കലക്കി സൂപ്പിൽ ചേർക്കുക.
∙കുറുകി വരുമ്പോൾ മുട്ട അടിച്ചതും ചേർത്തിളക്കി വിളമ്പാം.
