1. ചിക്കൻ എല്ലില്ലാതെ ചെറിയ കഷണങ്ങളാക്കിയത് – 200 ഗ്രാം
2. കുരുമുളകുപൊടി – അര ചെറിയ സ്പൂൺ
ജീരകം വറുത്തുപൊടിച്ചത് – അര ചെറിയ സ്പൂൺ
തൈര് – അര ചെറിയ സ്പൂൺ
ഉപ്പ് – പാകത്തിന്
3. വെള്ളം – അര ലീറ്റർ
4. എണ്ണ – രണ്ടു വലിയ സ്പൂൺ.
5. സൂചി ഗോതമ്പ് വേവിച്ചത് – അരക്കപ്പ്
ഉഴുന്നുപരിപ്പ് വറുത്തു പൊടിച്ചത് – രണ്ടു വലിയ സ്പൂൺ
ചെറുപയർപരിപ്പ് വറുത്തു പൊടിച്ചത് – രണ്ടു വലിയ സ്പൂൺ
സവാള – രണ്ട്, പൊടിയായി അരിഞ്ഞത്
കറുവാപ്പട്ട, ഗ്രാമ്പൂ, ഏലയ്ക്ക, കുരുമുളക് – കാൽ ചെറിയ സ്പൂൺ വീതം
ജാതിപത്രി അരിഞ്ഞത് – ഒരു ചെറിയ സ്പൂൺ
സാജീരകം – കാൽ ചെറിയ സ്പൂൺ
ഉപ്പ് – പാകത്തിന്
വെള്ളം – ഒരു കപ്പ്
പച്ചമല്ലി – അര ചെറിയ സ്പൂൺ
ഗരംമസാലപ്പൊടി – അര ചെറിയ സ്പൂൺ
6. മല്ലിയില – രണ്ടു വലിയ സ്പൂൺ
പുതിനയില – രണ്ടു വലിയ സ്പൂൺ
നാരങ്ങാനീര് – ഒരു ചെറിയ സ്പൂൺ
വെണ്ണ – രണ്ടു ചെറിയ സ്പൂൺ
സവാള – രണ്ട്, അരിഞ്ഞു വറുത്തത്
കശുവണ്ടിപ്പരിപ്പ് – മൂന്നു വലിയ സ്പൂൺ
പാകം ചെയ്യുന്ന വിധം
∙ ചിക്കനില് രണ്ടാമത്തെ ചേരുവ യോജിപ്പിച്ച് അരമണിക്കൂർ ഫ്രിഡ്ജിൽ വയ്ക്കുക. പിന്നീട് വെള്ളം ചേർത്തു നന്നായി വേവിക്കണം. വെന്ത ചിക്കൻ ഉടച്ചു മാറ്റിവയ്ക്കുക.
∙ പാനിൽ എണ്ണ ചൂടാക്കി അഞ്ചാമത്തെ ചേരുവ ചേർത്തു ചെറുതീയിൽ അഞ്ചു മിനിറ്റ് വേവിക്കുക. ഇതിൽ ചിക്കന് ചേർത്തിളക്കണം.
∙ നന്നായി തിളപ്പിച്ച ശേഷം ചെറുതീയിലാക്കി ആറാമത്തെ ചേരുവ ചേർക്കുക. ആവശ്യമെങ്കിൽ അൽപം ചൂടുവെളളം ചേർക്കാം. സ്റ്റൂവിന്റെ പാകം ആണ് ചിക്കൻ ഹലീമിന് വേണ്ടത്. ചൂടോടെ വിളമ്പാം.