1. എണ്ണ – മൂന്നു വലിയ സ്പൂൺ
2. സവാള – ഒന്ന്, പൊടിയായി അരിഞ്ഞത്
പച്ചമുളക് – രണ്ട് പൊടിയായി അരിഞ്ഞത്
ഇഞ്ചി–വെളുത്തുള്ളി ചതച്ചത് – രണ്ടു വലിയ സ്പൂൺ
തക്കാളി – ഒന്ന്, പൊടിയായി അരിഞ്ഞത്
3. മുളകുപൊടി – ഒരു വലിയ സ്പൂൺ
മല്ലിപ്പൊടി – ഒരു ചെറിയ സ്പൂൺ
മഞ്ഞൾപ്പൊടി – കാൽ ചെറിയ സ്പൂൺ
കുരുമുളകുപൊടി – അര ചെറിയ സ്പൂൺ
പെരുംജീരകംപൊടി – അര ചെറിയ സ്പൂൺ
ഗരംമസാലപ്പൊടി – കാൽ ചെറിയ സ്പൂൺ
മല്ലിയില, പുതിനയില – ഒരു വലിയ സ്പൂൺ
ഉപ്പ് – പാകത്തിന്
4. ചിക്കൻ - ഒരു കപ്പ്, വേവിച്ചു പിച്ചിക്കീറിയത്
5. മൈദ – രണ്ടു കപ്പ്
റവ – രണ്ടു വലിയ സ്പൂൺ
പഞ്ചസാര – അര ചെറിയ സ്പൂൺ
നെയ്യ് – ഒരു വലിയ സ്പൂൺ
ഉപ്പ് – പാകത്തിന്
6. വെള്ളം – പാകത്തിന്
എണ്ണ – അര ചെറിയ സ്പൂൺ
7. എണ്ണ – വറുക്കാൻ ആവശ്യത്തിന്
പാകം െചയ്യുന്ന വിധം
∙ ചുവടുകട്ടിയുള്ള ചീനച്ചട്ടിയിൽ എണ്ണ ചൂടാക്കി രണ്ടാമത്തെ ചേരുവ നന്നായി വഴറ്റുക.
∙ ഇതിലേക്കു മൂന്നാമത്തെ ചേരുവ യഥാക്രമം ചേർത്തു ചെറുതീയിൽ വഴറ്റി ചിക്കൻ ചേർത്തിളക്കുക. കാൽ കപ്പ് വെള്ളവും ചേർത്ത് അടച്ചു വച്ചു ചെറുതീയില് നന്നായി വേവിക്കണം. വെള്ളം വറ്റി ചിക്കനില് മസാല നന്നായി പി ടിക്കണം. ഇതാണു ഫില്ലിങ്.
∙ അഞ്ചാമത്തെ ചേരുവ നന്നായി യോജിപ്പിക്കുക. ഇതിലേക്ക് എണ്ണയും പാകത്തിനു വെള്ളവും ചേർത്തു ചപ്പാത്തിപ്പരുവ ത്തിൽ കുഴച്ചു15 മിനിറ്റ് വയ്ക്കുക.
∙ ഇതു ചെറിയ പൂരിയുടെ വലുപ്പത്തിൽ പരത്തിയെടുക്കുക. ഒരേ വലുപ്പത്തിൽ വേണം പരത്താൻ.
∙ പരത്തി വച്ച പൂരിയുടെ നടുവിൽ ഒരു ചെറിയ സ്പൂൺ ഫില്ലിങ് വച്ചു നിരത്തുക. ഇതിനു മുകളിൽ മറ്റൊരു പൂരി വ ച്ചു കൈകൊണ്ടോ ഫോർക്കു കൊണ്ടോ ചുറ്റും അമർത്തി ഒട്ടിക്കുക.
∙ പാനിൽ എണ്ണ ചൂടാക്കി ഓരോന്നായി ബ്രൗൺ നിറമാകും വരെ തിരിച്ചും മറിച്ചുമിട്ടു വറുത്തുകോരാം.