ചേരുവകള്
1. എണ്ണ – രണ്ടു വലിയ സ്പൂൺ
2. സവാള പൊടിയായി അരിഞ്ഞത് – അരക്കപ്പ്
ഇഞ്ചിയും പച്ചമുളകും പൊടിയായി അരിഞ്ഞത് – ഓരോ വലിയ സ്പൂൺ
3. ബീന്സും കാരറ്റും പൊടിയായി അരിഞ്ഞത് – അരക്കപ്പ് വീതം
4. കാബേജ്, കാപ്സിക്കം എന്നിവ പൊടിയായി അരിഞ്ഞത് – അരക്കപ്പ് വീതം
5. ചിക്കൻ വേവിച്ചു പൊടിയായി അരിഞ്ഞത് – ഒരു കപ്പ്
സെലറി പൊടിയായി അരിഞ്ഞത് – രണ്ടു വലിയ സ്പൂൺ
സ്പ്രിങ് അണിയൻ പൊടിയായി അരിഞ്ഞത് – രണ്ടു വലിയ സ്പൂൺ
ഉപ്പ് – പാകത്തിന്
6. കുരുമുളകുപൊടി – പാകത്തിന്
പാൻകേക്കിന്
7. മൈദ – ഒരു കപ്പ്
ഉപ്പ് – ഒരു നുള്ള്
8. പാൽ – ഒരു കപ്പ്
വെള്ളം – ഒരു കപ്പ്
9. മുട്ട – ഒന്ന്, അടിച്ചത്
10. റൊട്ടിപ്പൊടി – രണ്ടു കപ്പ്
11. മുട്ട അടിച്ചത് – രണ്ട്
12. എണ്ണ – വറുക്കാൻ ആവശ്യത്തിന്
പാകം ചെയ്യുന്ന വിധം
∙ എണ്ണ ചൂടാക്കി രണ്ടാമത്തെ ചേരുവ ചേർത്തു നന്നായി വഴറ്റിയ ശേഷം കാരറ്റും ബീൻസും ചേർത്തു വഴറ്റുക.
∙ ഇതിലേക്കു കാബേജും കാപ്സിക്കവും ചേർത്തു വഴറ്റിയ ശേ ഷം അഞ്ചാമത്തെ ചേരുവ ചേർത്തു വഴറ്റണം.
∙ അടച്ചു വച്ചു വേവിച്ച ശേഷം പാകത്തിനു കുരുമുളകുപൊടി ചേർത്തിളക്കി വാങ്ങി വയ്ക്കുക. ഇതാണ് ഫില്ലിങ്.
∙ പാൻകേക്ക് തയാറാക്കാൻ മൈദയും ഉപ്പും ചേർത്തിടയണം. ഇതിലേക്കു പാലും വെള്ളവും മെല്ലേ ചേർത്തു കട്ട കെട്ടാതെ യോജിപ്പിക്കുക. മുട്ട അടിച്ചതു ചേർത്തിളക്കി നന്നായി അടിച്ചു യോജിപ്പിച്ചു മാവു തയാറാക്കുക.
∙ നോൺസ്റ്റിക് പാൻ ചൂടാക്കി മയം പുരട്ടി അൽപം വീതം മാവു കോരിയൊഴിച്ചു പാൻകേക്കുകൾ തയാറാക്കുക.
∙ ഓരോ പാൻകേക്കിന്റെയും ഒരു വശത്ത് ഓരോ വലിയ സ്പൂ ൺ ഫില്ലിങ് വച്ച്, ഇരുവശത്തു നിന്നും അകത്തേക്കു മടക്കി വയ്ക്കുക.
∙ ഇനി ഇതു മുറുകെ ചുരുട്ടിയെടുക്കണം.
∙ ഓരോ പാൻറോളും മുട്ട അടിച്ചതിൽ മുക്കി, റൊട്ടിപ്പൊടിയി ൽ പൊതിഞ്ഞു ചൂടായ എണ്ണയിൽ വറുത്തു കോരുക.
∙ ഏകദേശം 18 പാൻറോൾ തയാറാക്കാം.
ഫോട്ടോയ്ക്കു വേണ്ടി വിഭവങ്ങൾ തയാറാക്കിയത്: പി.എൻ. വാസു, മലയാള മനോരമ, കോട്ടയം.