കോൺ റോട്ടി
1.കോൺമീൽ – മൂന്നു കപ്പ്
ഗോതമ്പുപൊടി – അരക്കപ്പ്
ഉപ്പ് – പാകത്തിന്
2.ചെറുചൂടുവെള്ളം – പാകത്തിന്
3.എണ്ണ – പാകത്തിന്
4.വെണ്ണ – പാകത്തിന്
പാകം ചെയ്യുന്ന വിധം
∙ഒന്നാമത്തെ ചേരുവ യോജിപ്പിച്ച് അൽപാൽപം വെള്ളം ചേർത്തു കുഴച്ചു മയമുള്ള മാവു തയാറാക്കുക.
∙ഇത് തുല്യ അളവിലുള്ള എട്ട്–പത്ത് ഉരുളകളാക്കണം.
∙കൈ ഒന്നു നനച്ച ശേഷം ഓരോ ഉരുളയും എടുത്ത് നനഞ്ഞ പ്ലാസ്റ്റിക് ഷീറ്റിൽ വച്ച് നാല്–അഞ്ച് ഇഞ്ചു വ്യാസത്തിൽ പരത്തണം.
∙തവ ചൂടാക്കി അതിൽ എണ്ണ പുരട്ടി റോട്ടിയിട്ട് ചെറുതീയിൽ ഒരു മിനിറ്റ് വേവിക്കുക.
∙മറിച്ചിട്ട ശേഷം ഇളം ഗോൾഡൻ നിറമാകുമ്പോൾ തവയിൽ നിന്നെടുക്കുക.
∙റോട്ടികളിൽ എണ്ണ പുരട്ടി ചൂടോടെ വിളമ്പാം.