1. ഉഴുന്ന് – ഒരു കപ്പ്
2. സവാള – ഒന്ന്, പൊടിയായി അരിഞ്ഞത്
ഇഞ്ചി – ഒരിഞ്ചു കഷണം, പൊടിയായി അരിഞ്ഞത്
പച്ചമുളക് – ഒന്ന്, പൊടിയായി അരിഞ്ഞത്
ഉപ്പ് – പാകത്തിന്
3. അരിപ്പൊടി – രണ്ടു വലിയ സ്പൂൺ
4. എണ്ണ – വറുക്കാൻ ആവശ്യത്തിന്
പാകം ചെയ്യുന്ന വിധം
∙ ഉഴുന്നു നന്നായി കഴുകി വെള്ളത്തിൽ രണ്ടു മണിക്കൂർ കുതിർക്കുക. പിന്നീട് നന്നായി അരയ്ക്കണം. ആവശ്യമെങ്കിൽ മാത്രം അൽപം വെള്ളം ചേർത്തു കൊടുക്കാം.
∙ ഉഴുന്നിൽ രണ്ടാമത്തെ ചേരുവ ചേർത്തു യോജിപ്പിച്ച ശേഷം അരിപ്പൊടി ചേർത്തിളക്കുക.
∙ ഉഴുന്നുവടയ്ക്കു നല്ല കരുകരുപ്പു കിട്ടാനാണ് അരിപ്പൊടി ചേർക്കുന്നത്. വെള്ളം കൂടിപ്പോയൽ അരിപ്പൊടി ചേർത്തിളക്കി മാവ് പാകത്തിനാക്കാം.
∙ പാനിൽ എണ്ണ ചൂടാക്കി ഓരോ ഉരുള ഉഴുന്നു മിശ്രിതം എടുത്ത് നടുവിൽ ഒരു ദ്വാരമിട്ടു വറുത്തു കോരുക.
