മട്ടൺ മസാല
1.ആട്ടിറച്ചി – ഒരു കിലോ
2.സവാള – 400 ഗ്രാം, നീളത്തിൽ കനം കുറച്ചരിഞ്ഞത്
തക്കാളി – മൂന്നു–നാല്, അരിഞ്ഞത്
കാശ്മീരി മുളകുപൊടി – രണ്ടു വലിയ സ്പൂൺ
മഞ്ഞൾപ്പൊടി – അര ചെറിയ സ്പൂൺ
ഉപ്പ് – പാകത്തിന്
ഇഞ്ചി അരച്ചത് – ഒരു വലിയ സ്പൂൺ
വെളുത്തുള്ളി അരച്ചത് – ഒരു വലിയ സ്പൂൺ
മല്ലിയില അരിഞ്ഞത് – 50 ഗ്രാം
3.വെളിച്ചെണ്ണ – അരക്കപ്പ്
4.മല്ലിയില – 50 ഗ്രാം, അരിഞ്ഞത്
പാകം ചെയ്യുന്ന വിധം
∙ആട്ടിറച്ചി കഴുകി വൃത്തിയാക്കി, 20 കഷണങ്ങളാക്കി വയ്ക്കണം.
∙ഇതിൽ രണ്ടാമത്തെ ചേരുവ ചേർത്തു നന്നായി യോജിപ്പിച്ചശേഷം കുക്കറിലാക്കി വേവിച്ചെടുക്കുക.
∙ചീനച്ചട്ടിയില് എണ്ണ ചൂടാക്കി, വെന്ത ഇറച്ചി ചേർത്തു 15 മിനിറ്റ് വഴറ്റി ബാക്കി മല്ലിയില മുകളിൽ വിതറി, നല്ല ബ്രൗൺ നിറമാകുമ്പോൾ വാങ്ങി ചൂടോടെ ഉപയോഗിക്കാം.