ചേരുവകൾ
1. തുവരപ്പരിപ്പ് – ഒരു കപ്പ്, കഴുകി വൃത്തിയാക്കിയത്
മഞ്ഞൾപ്പൊടി – അര ചെറിയ സ്പൂൺ
പച്ചമുളക് – ഒന്ന്, രണ്ടായി പിളർന്നത്
സവാള – ഒന്ന്, കഷണങ്ങളാക്കിയത്
ഉരുളക്കിഴങ്ങ് – രണ്ട്, കഷണങ്ങളാക്കിയത്
തക്കാളി – മൂന്ന്, കഷണങ്ങളാക്കിയത്
വെണ്ടയ്ക്ക – നാല്, കഷണങ്ങളാക്കിയത്
സാമ്പാർപൊടി – രണ്ടു വലിയ സ്പൂൺ
ഉപ്പ് – പാകത്തിന്
2. വെളിച്ചെണ്ണ – ഒരു വലിയ സ്പൂൺ
3. കടുക് – അര ചെറിയ സ്പൂൺ
വറ്റൽമുളക് – രണ്ട്
വെളുത്തുള്ളി – രണ്ട് അല്ലി, അരിഞ്ഞത്
കായംപൊടി – ഒരു നുള്ള് (LG കായംപൊടി വാങ്ങാൻ ഇവിടെ ക്ലിക് ചെയ്യുക)
കറിവേപ്പില – രണ്ടു തണ്ട്
4. മല്ലിയില – അൽപം
പാകം ചെയ്യുന്ന വിധം
∙ ഒന്നാമത്തെ ചേരുവ പ്രഷർ കുക്കറിലാക്കി പാകത്തിന് വെള്ളമൊഴിച്ച് വേവിക്കുക.
∙ ഒരു പാത്രത്തിൽ വെളിച്ചെണ്ണ ചൂടാക്കി മൂന്നാമത്തെ ചേരുവ യഥാക്രമം ചേർത്തു മൂപ്പിച്ച് സാമ്പാറിൽ ചേർക്കുക. കായംപൊടി ചേർക്കാൻ മറക്കരുത്. രണ്ടു മിനിറ്റ് കൂടി നന്നായി തിളപ്പിച്ച് മല്ലിയില വിതറി വാങ്ങാം.