ഫോട്ടോ: ഫിസ പർവീൺ, പാചകക്കുറിപ്പുകൾക്കു കടപ്പാട്: നജീന റഷീദ്,
തിരുവനന്തപുരം
1. ഇടത്തരം വലുപ്പമുള്ള മീൻ – മൂന്ന്, മുഴുവനോടെ
2. നാരങ്ങാനീര് – ഒരു നാരങ്ങയുടേത്
കുരുമുളകുപൊടി – ഒരു വലിയ സ്പൂൺ
മഞ്ഞൾപ്പൊടി – ഒരു ചെറിയ സ്പൂൺ
ഉപ്പ് – പാകത്തിന്
3. എണ്ണ – പാകത്തിന്
4. എണ്ണ – രണ്ടു വലിയ സ്പൂൺ
5. വെളുത്തുള്ളി – 10 അല്ലി, അരിഞ്ഞത്
പച്ചമുളക് – നാല്, അരിഞ്ഞത്
ഇഞ്ചി അരിഞ്ഞത് – ഒരു വലിയ സ്പൂൺ
വറ്റൽമുളകു ചതച്ചത് – മൂന്നു വലിയ സ്പൂൺ
ജാതിപത്രി അരിഞ്ഞത് – ഒരു ചെറിയ സ്പൂൺ
കുരുമുളകുപൊടി – ഒരു ചെറിയ സ്പൂൺ
6. ചില്ലി സോസ് – രണ്ടു വലിയ സ്പൂൺ
സോയാസോസ് – രണ്ടു വലിയ സ്പൂൺ
വാളൻപുളി പിഴിഞ്ഞത് – രണ്ടു വലിയ സ്പൂൺ
വെള്ളം – അരക്കപ്പ്
പാകം ചെയ്യുന്ന വിധം
∙ മീന്‍ കഴുകി വൃത്തിയാക്കി വരഞ്ഞുവയ്ക്കുക.
∙ രണ്ടാമത്തെ ചേരുവ യോജിപ്പിച്ചു മീനിൽ നന്നായി പുരട്ടി 15 മിനിറ്റ് വയ്ക്കണം.
∙ പാനിൽ എണ്ണ ചൂടാക്കി മീൻ വറുത്തു വയ്ക്കുക.
∙ ചുവടു കട്ടിയുള്ള പരന്ന പാത്രത്തിൽ എണ്ണ ചൂ ടാക്കി അഞ്ചാമത്തെ ചേരുവ ചെറുതീയിൽ വഴറ്റുക.
∙ ഇതിലേക്ക് ആറാമത്തെ ചേരുവ ചേർത്തിളക്കി മൂന്നു മിനിറ്റ് വേവിക്കണം.
∙ ഈ കൂട്ടിലേക്ക് വറുത്തു വച്ച മീൻ ഓ രോന്നായി വച്ച് ഓരോ വശവും മൂന്നുമിനിറ്റ് വേവിക്കുക.
∙ മീൻ മറ്റൊരു പാത്രത്തിലേക്കു മാറ്റി ബാക്കിയുള്ള ഗ്രേവി മുകളിൽ ഒഴിച്ചു ചൂടോടെ വിളമ്പാം.
