ജിൻജർ ചിക്കൻ
1.ചിക്കൻ – ഒരു കിലോ, ചെറിയ കഷണങ്ങളാക്കിയത്
2.സോയാസോസ് – രണ്ടു വലിയ സ്പൂൺ
വിനാഗിരി – ഒരു വലിയ സ്പൂൺ
ഇഞ്ചി അരച്ചത് – ഒരു ചെറിയ സ്പൂൺ
ഉപ്പ് – പാകത്തിന്
3.എണ്ണ – അരക്കപ്പ്
4.പച്ചമുളക് പൊടിയായി അരിഞ്ഞത് – അര വലിയ സ്പൂൺ
5.സവാള പൊടിയായി അരിഞ്ഞത് – ഒരു കപ്പ്
6.ഇഞ്ചി അരച്ചത് – ഒരു വലിയ സ്പൂൺ
7.മുളകുപൊടി – അര ചെറിയ സ്പൂൺ
പാകം ചെയ്യുന്ന വിധം
∙ചിക്കൻ കഴുകി വൃത്തിയാക്കി വയ്ക്കുക.
∙ചിക്കനിൽ രണ്ടാമത്തെ ചേരുവ പുരട്ടി രണ്ടു മണിക്കൂർ വച്ച ശേഷം വേവിച്ചു വെള്ളം വറ്റിച്ചെടുക്കണം.
∙പാനിൽ എണ്ണ ചൂടാക്കി പച്ചമുളകു ചേർത്തു നിറം മാറാതെ വഴറ്റിക്കോരുക.
∙ഇതേ എണ്ണയിലേക്ക് സവാള ചേർത്ത് ഇളം ബ്രൗൺ നിറത്തിൽ വഴറ്റണം. ഇതിലേക്ക് ഇഞ്ചി അരച്ചതും ചേർത്തു നന്നായി വഴറ്റുക.
∙എണ്ണ തെളിയുമ്പോൾ മുളകുപൊടി ചേർത്ത ശേഷം ചിക്കൻ വേവിച്ചതു ചേർത്തു വേവിച്ചു വരട്ടിയെടുക്കണം.
∙വറുത്തു വച്ച പച്ചമുളകു കൊണ്ട് അലങ്കരിച്ചു വിളമ്പാം.