മുന്തിരി അച്ചാർ
1.പച്ചമുന്തിരി – കാൽ കിലോ
2.എള്ളെണ്ണ – അരക്കപ്പ്
3.കടുക് – ഒന്നര വലിയ സ്പൂൺ
ഉലുവ – ഒരു ചെറിയ സ്പൂൺ
വറ്റൽമുളക് – രണ്ട്, കഷണങ്ങളാക്കിയത്
4.കറിവേപ്പില – രണ്ടു തണ്ട്
വെളുത്തുള്ളി – 100 ഗ്രാം, രണ്ടായി പിളർന്നത്
5.മഞ്ഞൾപ്പൊടി – ഒരു ചെറിയ സ്പൂൺ
മുളകുപൊടി – മൂന്നു വലിയ സ്പൂൺ
കായംപൊടി – അര ചെറിയ സ്പൂൺ
ഉപ്പ് – പാകത്തിന്
6.ശർക്കര പൊടിച്ചത് – രണ്ടു വലിയ സ്പൂൺ
വിനാഗിരി – രണ്ടു വലിയ സ്പൂൺ
പാകം ചെയ്യുന്ന വിധം
∙മുന്തിരി കഴുകി വൃത്തിയാക്കി രണ്ടായി മുറിച്ചു വയ്ക്കുക.
∙പാനിൽ എള്ളെണ്ണ ചൂടാക്കി മൂന്നാത്തെ ചേരുവ പൊട്ടിക്കുക.
∙ഇതിലേക്കു നാലാമത്തെ ചേരുവ ചേർത്തു വഴറ്റി പച്ചമണം മാറുമ്പോൾ പൊടികൾ ചേർക്കണം.
∙അല്പം വെള്ളം ഒഴിച്ചിളക്കി പച്ചമണം മാറുമ്പോൾ ശർക്കരയും വിനാഗിരിയും ചേർത്തിളക്കണം.
∙ശർക്കര ഉരുകുമ്പോൾ മുന്തിരി ചേർത്ത് രണ്ടു മിനിറ്റ് ഇളക്കി വാങ്ങാം. മുന്തിരി വെന്ത് ഉടയരുത്.
∙തണുക്കുമ്പോൾ വായു കടക്കാത്ത പാത്രത്തിലാക്കി സൂക്ഷിക്കാം.
