പുതിന പറാത്ത
1. പുതിനയില പൊടിയായി അരിഞ്ഞത് - 200 ഗ്രാം
ഗോതമ്പുപൊടി - ഒരു കപ്പ്
ജീരകം - ഒന്നര ചെറിയ സ്പൂൺ, വറുത്തു പൊടിച്ചത്
മുളകുപൊടി - കാൽ ചെറിയ സ്പൂൺ
ഉപ്പ് - പാകത്തിന്
2. വെള്ളം - പാകത്തിന്
3. എണ്ണ - അൽപം
പാകം െചയ്യുന്ന വിധം
∙ ഒരു ബൗളിൽ ഒന്നാമത്തെ ചേരുവ യോജിപ്പിച്ചു പാകത്തിനു വെള്ളം ചേർത്തു അഞ്ചു-പത്തു മിനിറ്റ് കുഴച്ചു മയപ്പെടുത്തുക.
∙ ബൗൾ മൂടി, 20 മിനിറ്റ് മാറ്റി വയ്ക്കുക.
∙ വീണ്ടും നന്നായി കുഴച്ച് രണ്ടു ഭാഗങ്ങളാക്കി രണ്ട് ഉരുള കളാക്കി വയ്ക്കുക.
∙ ഒരു ഉരുള പരത്തിയ ശേഷം മടക്കി അർധവൃത്താകൃതിയിലാക്കുക. ഇതു വീണ്ടും മടക്കിയ ശേഷം ആറിഞ്ചു കനത്തിൽ വീണ്ടും പരത്തുക. അടുത്ത ഉരുളയും ഇതേ പോലെ പരത്തണം.
∙ തവ ചൂടാക്കി പറാത്തയിട്ട് ചെറിയ കുത്തുകൾ കണ്ടു തുടങ്ങുമ്പോൾ മറിച്ചിടുക. അര ചെറിയ സ്പൂൺ എണ്ണ/നെയ്യ് പറാത്തയുടെ വശങ്ങളിൽ ഒഴിക്കുക.
മുള്ളങ്കി സ്റ്റഫ്ഡ് ചപ്പാത്തി
1. മുള്ളങ്കി - രണ്ട്, ഗ്രേറ്റ് ചെയ്തത്
2. ഉപ്പ് - പാകത്തിന്
3. ഗോതമ്പുപൊടി - ഒരു കപ്പ്
ഉപ്പ്, വെള്ളം - പാകത്തിന്
4. പച്ചമുളക് പൊടിയായി അരിഞ്ഞത് - ഒരു ചെറിയ സ്പൂൺ
മുളകുപൊടി - ഒരു ചെറിയ സ്പൂൺ
ഗരംമസാലപ്പൊടി - ഒരു ചെറിയ സ്പൂൺ
5. നെയ്യ് - പാകത്തിന്
പാകം െചയ്യുന്ന വിധം
∙ മുള്ളങ്കി നന്നായി അമർത്തിപ്പിഴിഞ്ഞ് വെള്ളം കളഞ്ഞ ശേഷം ഉപ്പു ചേർത്തു വയ്ക്കുക.
∙ മൂന്നാമത്തെ ചേരുവ ചപ്പാത്തിക്കെന്ന പോലെ കുഴച്ചു ചെറിയ ഉരുളകളാക്കി പരത്തി വയ്ക്കുക.
∙ തവ ചൂടാക്കി ഓരോ ചപ്പാത്തി വീതമിട്ടു വാട്ടിയെടുത്തു മാറ്റി വയ്ക്കുക.
∙ ഒരു ചപ്പാത്തിക്കു മുകളിലായി മുള്ളങ്കി ഗ്രേറ്റ് െചയ്തതും പച്ചമുളക് അരിഞ്ഞതും മുളകുപൊടിയും ഗരംമസാലപ്പൊടിയും അൽപം വീതം വിതറുക.
∙ ഇതിനു മുകളിൽ മറ്റൊരു ചപ്പാത്തി വച്ചു വെള്ളം തൊട്ട് അരികുകൾ നന്നായി അമർത്തി ഒട്ടിക്കുക. ബാക്കിയുള്ള ചപ്പാത്തിയും ഇങ്ങനെ ചെയ്യുക.
∙ ചൂടായ തവയിൽ നെയ്യ് പുരട്ടി സ്റ്റഫ്‍ ചെയ്ത ചപ്പാത്തികൾ ചുട്ടെടുക്കുക.
∙ അരിക് ബ്രൗൺ നിറമാകുമ്പോൾ വീണ്ടും മറിച്ചിട്ട് അര ചെറിയ സ്പൂൺ എണ്ണ/നെയ്യ് അരികുകളിൽ ഒഴിക്കുക. ഗോൾഡൻ ബ്രൗൺ നിറത്തിൽ ചുട്ടെടുക്കുക.
