ഹണി ഗ്ലേസ്ഡ് ബീഫ്
1.ബീഫ് (അണ്ടർകട്ട്) – 750 ഗ്രാം
2.ഉപ്പ്, കുരുമുളകുപൊടി – പാകത്തിന്
മഞ്ഞൾപ്പൊടി – കാൽ ചെറിയ സ്പൂൺ
ഇഞ്ചി–വെളുത്തുള്ളി പേസ്റ്റ് – ഒരു വലിയ സ്പൂൺ
വിനാഗിരി – ഒരു വലിയ സ്പൂൺ
3.കൺഫ്ളോർ – അരക്കപ്പ്
ഉപ്പ്, കുരുമുളകുപൊടി – പാകത്തിന്
4.എണ്ണ – പാകത്തിന്
5.സവാള പൊടിയായി അരിഞ്ഞത് – ഒരു കപ്പ്
സെലറി പൊടിയായി അരിഞ്ഞത് – ഒരു വലിയ സ്പൂൺ
ഇഞ്ചിയും വെളുത്തുള്ളിയും പൊടിയായി അരിഞ്ഞത് – ഓരോ വലിയ സ്പൺ
6.ടുമാറ്റോ സോസ് – ഒരു വലിയ സ്പൂൺ
തേൻ – ഒരു വലിയ സ്പൂൺ
നാരങ്ങാനീര് – ഒരു വലിയ സ്പൂൺ
7.എള്ള് – രണ്ടു വലിയ സ്പൂൺ
പാകം ചെയ്യുന്ന വിധം
∙ഇറച്ചി വൃത്തിയാക്കി രണ്ടാമത്തെ ചേരുവ പുരട്ടി ഒരു മണിക്കൂർ വച്ച ശേഷം പ്രഷർ കുക്കറിൽ വേവിക്കുക.
∙ചൂടാറിയ ശേഷം നീളത്തിൽ കനം കുറഞ്ഞ സ്ട്രിപ്സായി മുറിക്കുക. ഇതു മൂന്നാമത്തെ ചേരുവ യോജിപ്പിച്ചതിൽ പൊതിഞ്ഞു ചൂടായ എണ്ണയിൽ വറുത്തു കോരി വയ്ക്കണം.
∙രണ്ടു വലിയ സ്പൂൺ എണ്ണ ചൂടാക്കി അഞ്ചാമത്തെ ചേരുവ വഴറ്റുക. നന്നായി വഴന്ന ശേഷം ആറാമത്തെ ചേരുവ ചേർത്തിളക്കണം. ഇതിലേക്കു വറുത്തു വച്ചിരിക്കുന്ന ഇറച്ചിയും എള്ളും ചേർത്തു മെല്ലേ കുടഞ്ഞു യോജിപ്പിക്കുക.
∙ചൂടോടെ വിളമ്പാം.