1. തുവരപ്പരിപ്പ് - അര ഗ്ലാസ്, കുതിർത്തത്‌
ചുവന്നുള്ളി - ഏഴ്- എട്ട്, രണ്ടായി മുറിച്ചത്
സവാള - ഒന്ന്, കഷണങ്ങളാക്കിയത്
പച്ചമുളക് - നാല്, രണ്ടായി മുറിച്ചത്
കാരറ്റ്, ഉരുളക്കിഴങ്ങ്, വെണ്ടയ്ക്ക, വെള്ളരിക്ക, മുരിങ്ങയ്ക്ക കഷണങ്ങളാക്കിയത് Ð ഒരു ചെറിയ ബൗൾ
2. ഉപ്പ് - പാകത്തിന്
വാളൻപുളി പിഴിഞ്ഞത് - പാകത്തിന്
3. മഞ്ഞൾപ്പൊടി - അര ചെറിയ സ്പൂൺ
മുളകുപൊടി - രണ്ടു ചെറിയ സ്പൂൺ
മല്ലിപ്പൊടി - ഒരു ചെറിയ സ്പൂൺ
സമ്പാർപൊടി - ഒന്നര ചെറിയ സ്പൂൺ
4. കായംപൊടി - അര ചെറിയ സ്പൂൺ (LG കായംപൊടി വാങ്ങാൻ ഇവിടെ ക്ലിക് ചെയ്യുക)
5. വെളിച്ചെണ്ണ - ഒരു വലിയ സ്പൂൺ
6. കടുക് - അര ചെറിയ സ്പൂൺ
ഉലുവ - കാൽ ചെറിയ സ്പൂൺ
ചുവന്നുള്ളി - രണ്ട്, വട്ടത്തിൽ അരിഞ്ഞത്
വറ്റൽമുളക് - ഒന്ന്, രണ്ടായി മുറിച്ചത്
കറിവേപ്പില -ഒരു തണ്ട്
തയാറാക്കുന്ന വിധം
∙ ഒരു പാത്രത്തിൽ രണ്ടു ഗ്ലാസ് വെള്ളം തിളപ്പിച്ച് ഒന്നാമത്തെ ചേരുവ ചേർത്തു വേവിക്കുക.
∙ പരിപ്പും കഷണങ്ങളും വെന്തശേഷം പാകത്തിന് ഉപ്പും പുളിയും ചേർത്ത് രണ്ടു മിനിറ്റ് മൂടി വച്ചു തിളപ്പിക്കുക.
∙ ഇതിലേക്ക് മൂന്നാമത്തെ ചേരുവ അൽപം വെള്ളത്തിൽ കുഴച്ചതു ചേർത്തു നന്നായി തിളപ്പിക്കുക.
∙ കായംപൊടി ചേർക്കുക.
∙ മറ്റൊരു പാത്രത്തിൽ എണ്ണ ചൂടാക്കി ആറാമത്തെ ചേരുവ യഥാക്രമം ചേർത്തു മൂപ്പിച്ച് സാമ്പാറിൽ ചേർത്തിളക്കി വിളമ്പാം.
