ഫോട്ടോ: സരുൺ മാത്യു, ഫോട്ടോയ്ക്കു വേണ്ടി വിഭവങ്ങൾ തയാറാക്കിയത്: ശില്പ ബി.രാജ്
കൊടൈ മട്ടൺ കറി
1. മട്ടൺ കഷണങ്ങളാക്കിയത് – അരക്കിലോ
2. മുളകുപൊടി – ഒരു വലിയ സ്പൂൺ
മല്ലിപ്പൊടി – ഒരു വലിയ സ്പൂൺ
മഞ്ഞൾപ്പൊടി – അര ചെറിയ സ്പൂൺ
ഉപ്പ് – പാകത്തിന്
ഗരംമസാലപ്പൊടി – ഒരു ചെറിയ സ്പൂൺ
തൈര് – കാൽ കപ്പ്
3. എണ്ണ – മൂന്നു വലിയ സ്പൂൺ
4. സവാള നീളത്തിൽ അരിഞ്ഞത് – ഒരു കപ്പ്
വെളുത്തുള്ളി ചതച്ചത് – ഒരു വലിയ സ്പൂൺ
ഇഞ്ചി പൊടിയായി അരിഞ്ഞത് – ഒരു ചെറിയ സ്പൂൺ
5. തക്കാളി പൊടിയായി അരിഞ്ഞത് – അരക്കപ്പ്
പാകം െചയ്യുന്ന വിധം
∙ മട്ടൺ വൃത്തിയാക്കി രണ്ടാമത്തെ ചേരുവ പുരട്ടി നാല്–അഞ്ചു മണിക്കൂർ ഫ്രിജിൽ വയ്ക്കുക. പിന്നീട് നന്നായി വേവിച്ചെടുക്കണം. കുറുകിയ ഗ്രേവി അൽപം ഉണ്ടാകണം.
∙ എണ്ണ ചൂടാക്കി നാലാമത്തെ ചേരുവ വഴറ്റി, ബ്രൗൺ നിറമാകുമ്പോൾ തക്കാളി ചേർത്തു വഴറ്റണം.
∙ എണ്ണ തെളിയുമ്പോൾ വേവിച്ച മട്ടൺ ചാറോടു കൂടി ചേർത്തിളക്കുക. അഞ്ചു മിനിറ്റ് ചെറുതീയിൽ തിളപ്പിച്ചു വാങ്ങി പറാത്തയ്ക്കൊപ്പം വിളമ്പാം.
അജ്വൈൻ പറാത്ത
1. ഗോതമ്പുപൊടി – രണ്ടു കപ്പ്
എണ്ണ – ഒരു വലിയ സ്പൂൺ
ഉപ്പ്, തിളച്ച വെള്ളം – പാകത്തിന്
2. നെയ്യ് – മൂന്നു വലിയ സ്പൂൺ
3. അയ്മോദകം (ഓമം) – പാകത്തിന്
പാകം െചയ്യുന്ന വിധം
∙ ഒന്നാമത്തെ ചേരുവ യോജിപ്പിച്ചു ചപ്പാത്തിക്കെന്ന പോ ലെ കുഴച്ചു പാത്രത്തിലാക്കി അടച്ച് അരമണിക്കൂർ വ യ്ക്കുക.
∙ ചെറുനാരങ്ങ വലുപ്പത്തിലുള്ള ഉരുളകളാക്കുക.
∙ ഓരോ ഉരുളയും കനം കുറച്ചു പരത്തി, അതിൽ നെയ്യ് പുര ട്ടി, മുകളിൽ അൽപം അയ്മോദകം വിതറണം.
∙ ഇതു പായ ചുരുട്ടുന്നതു പോലെ ചുരുട്ടിയെടുത്തു വട്ടത്തിൽ ചുറ്റി വയ്ക്കുക.
∙ മുഴുവൻ ഉരുളകളും ഇങ്ങനെ ചുറ്റി വച്ച ശേഷം തവ ചൂടാക്കുക.
∙ ഓരോ ചപ്പാത്തിയും കനത്തിൽ പരത്തി, ചൂടായ തവയിലിട്ടു നെയ്യ് പുരട്ടി, ഇരുവശവും ചുട്ടെടുക്കുക.
