കൂന്തൽ മുക്കിപ്പൊരിച്ചത്
1.കൂന്തൽ – അരക്കിലോ
2.കോൺഫ്ളവർ – ഒരു കപ്പ്
മൈദ – ഒരു കപ്പ്
3.തണുപ്പിച്ച സോഡ – ഒന്നര–രണ്ടു കുപ്പി
4.വെളുത്ത എള്ള് – പാകത്തിന് (ആവശ്യമെങ്കിൽ)
വെളുത്ത കുരുമുളകുപൊടി – പാകത്തിന്
ഉപ്പ് – പാകത്തിന്
5.എണ്ണ – വറുക്കാൻ ആവശ്യത്തിന്
6.സ്പ്രിങ് അണിയൻ(പച്ചഭാഗം ഇല്ലാതെ) – രണ്ടോ മൂന്നോ തണ്ട്, പൊടിയായി അരിഞ്ഞത്
സെലറി – രണ്ടു തണ്ട്
കുരുമുളകു ചതച്ചത് – പാകത്തിന്
ഉപ്പ് – പാകത്തിന്
പാകം ചെയ്യുന്ന വിധം
∙കൂന്തൽ ഉള്ളിലെ ഭാഗവും മറ്റും കളഞ്ഞു കഴുകി വൃത്തിയാക്കി കാൽ ഇഞ്ചു കനമുള്ള വളയങ്ങളായി മുറിച്ചു വയ്ക്കണം.
∙ഒരു ബൗളിൽ കോൺഫ്ളവറും മൈദയും യോജിപ്പിച്ചു വയ്ക്കുക.
∙ഇതിലേക്ക് തണുപ്പിച്ച സോഡ ചേർത്തു കട്ട കെട്ടാതെ കലക്കി മാവു തയാറാക്കുക.
∙മാവിൽ പാകത്തിന് എള്ളും കുരുമുളകുപൊടിയും ഉപ്പും ചേർത്തു നന്നായി യോജിപ്പിക്കുക.
∙കൂന്തൽ വളയങ്ങൾ ഈ മാവിൽ മുക്കി നന്നായി ചൂടായ എണ്ണയിൽ ഗോൾഡൻ നിറത്തിൽ വറുത്തു കോരി കിച്ചൺ പേപ്പറിൽ നിരത്തണം.
∙സ്പ്രിങ് അണിയൻ, സെലറി, കുരുമുളകു ചതച്ചത്, ഉപ്പ് എന്നിവ മെല്ലേ കുടഞ്ഞു യോജിപ്പിക്കുക.
∙വറുത്ത കൂന്തൽ വളയങ്ങൾ ഒരു ബൗളിലാക്കി അതിലേക്കു യോജിപ്പിച്ച ആറാമത്തെ ചേരുവ ചേർത്തു കുടഞ്ഞു യോജിപ്പിക്കണം.
∙ചൂടോടെ വിളമ്പുക.