ലവംഗ് ലതിക
1. മൈദ - അരക്കപ്പ്
നെയ്യ് - രണ്ടു വലിയ സ്പൂൺ
ഉപ്പ് - ഒരു നുള്ള്
പഞ്ചസാര - അൽപം
2. െചറുചൂടുവെള്ളം - പാകത്തിന്
സ്റ്റഫിങ്ങിന്
3. ഫുൾ ക്രീം ഖോയ - ഒരു കപ്പ്
ഉണക്കമുന്തിരി - 10
പഞ്ചസാര - അരക്കപ്പ്
ഏലയ്ക്കാപ്പാടി - ഒരു െചറിയ സ്പൂൺ
സിറപ്പിന്
4. പഞ്ചസാര - ഒന്നരക്കപ്പ്
വെള്ളം - ഒരു കപ്പ്
5. ഗ്രാമ്പൂ - 10
6. നാടൻ നെയ്യ് - വറുക്കാൻ ആവശ്യത്തിന്
പാകം െചയ്യുന്ന വിധം
∙ ഒന്നാമത്തെ ചേരുവ ഒരു മിക്സിങ് ബൗളിലാക്കി വിരലുകൾ കൊണ്ടു ഞെരടി റൊട്ടിപ്പൊടി പരുവത്തിലാക്കുക.
∙ ഇതിലേക്കു വെള്ളം അൽപാൽപം വീതം ഒഴിച്ചു കുഴച്ചു ബലമുള്ള മാവു തയാറാക്കി തുണി കൊണ്ടു മൂടി അര മണിക്കൂർ വയ്ക്കുക.
∙ വീണ്ടും നന്നായി കുഴച്ചു തുല്യ വലുപ്പമുള്ള 10 ഉരുളകൾ തയാറാക്കുക.
∙ പാനിൽ മൂന്നാമത്തെ േചരുവ എടുത്തു ചെറുതീയിൽ വച്ച് അഞ്ചാറു മിനിറ്റ് റോസ്റ്റ് െചയ്യുക. ഖോയ നന്നായി യോജിച്ച് അതിനുള്ളിലെ നെയ്യ് പുറത്തു വരണം.
∙ അടുപ്പിൽ നിന്നു വാങ്ങി ചൂടാറിയ ശേഷം പത്തു ഭാഗങ്ങളാക്കി വയ്ക്കണം. ഇതാണ് സ്റ്റഫിങ്.
∙ മറ്റൊരു പാനിൽ വെള്ളവും പഞ്ചസാരയും യോജിപ്പിച്ച് ഇടത്തരം തീയിൽ തിളപ്പിച്ച് രണ്ടു നൂൽ പരുവമാകുമ്പോൾ വാങ്ങി ചൂടാറിപ്പോകാതെ വയ്ക്കുക.
∙ ഓരോ ഉരുള മാവും എടുത്തു പൂരി വലുപ്പത്തിൽ പരത്തുക. ഇതിനു നടുവിൽ സ്റ്റഫിങ്ങിന്റെ ഒരു ഭാഗവും വയ്ക്കുക.
∙ പൂരിയുടെ ഇരുവശത്തു നിന്നും സ്റ്റഫിങ്ങിനു മുകളിലേക്ക് ഒന്നിനു മുകളിൽ ഒന്നായി മടക്കുക. മറുവശത്തേക്കു തിരിച്ചിട്ട് രണ്ടറ്റവും ഒന്നിനു മുകളിൽ ഒന്നായി മടക്കുക.
∙ ഇപ്പോൾ ഇതൊരു കവർ പോലെ ഇരിക്കും. ഇത് ഒരു ഗ്രാമ്പൂ കുത്തി ഉറപ്പിക്കുക.
∙ ചൂടാക്കിയ നെയ്യിലിട്ടു ഗോൾഡൻ ബ്രൗൺ നിറത്തിൽ വറുക്കുക.
∙ ഓരോന്നും കോരിയെടുത്തു തയാറാക്കി വച്ചിരിക്കുന്ന പഞ്ചസാരപ്പാനിയിലിട്ട് നന്നായി പൊതിഞ്ഞ ശേഷം കോരി വിളമ്പാനുള്ള പാത്രത്തിലാക്കുക.
