തയാറാക്കിയത്: മെർലി എം. എൽദോ, ഫോട്ടോ: സോണി ദിനേഷ്. പാചകക്കുറിപ്പുകൾക്കും ഫോട്ടോയ്ക്കു വേണ്ടി വിഭവങ്ങൾ തയാറാക്കിയതിനും കടപ്പാട്: സോണി ദിനേഷ്, പുണെ
1. മഞ്ഞ, പച്ച, ചുവപ്പ് കാപ്സിക്കം നീളത്തില്‍ അരിഞ്ഞത് - എല്ലാം കൂടി ഒരു കപ്പ്
സാലഡ് കുക്കുമ്പർ ചെറുതായി അരിഞ്ഞത് - കാൽ കപ്പ്
ഓറഞ്ച് - ഒന്നിന്റെ പകുതി, കഷണങ്ങളാക്കിയത്
ചോളം വേവിച്ചത് - കാൽ കപ്പ്
മാതളനാരങ്ങ അല്ലികൾ - കാൽ കപ്പ്
സവാള നീളത്തില്‍ അരിഞ്ഞത് - കാൽ കപ്പ്
പച്ചമുളക് - മൂന്ന്, പൊടിയായി അരിഞ്ഞത്
2. നാരങ്ങാനീര് - ഒരു ചെറിയ സ്പൂൺ
തേന്‍ - ഒരു വലിയ സ്പൂൺ
പുതിനയില - ഒരു ചെറിയ സ്പൂൺ
മല്ലിയില പൊടിയായി അരിഞ്ഞത് - ഒരു ചെറിയ സ്പൂൺ
ഉപ്പ് കുരുമുളകുപൊടി - പാകത്തിന്
3. വറുത്ത മസാലക്കടല - കാൽ കപ്പ്
പാകം ചെയ്യുന്ന വിധം
∙ ഒന്നാമത്തെ ചേരുവ ഒരു പാത്രത്തില്‍ യോജിപ്പിക്കുക.
∙ ഇതിൽ രണ്ടാമത്തെ ചേരുവ യോജിപ്പിച്ചതു ചേർത്തിളക്കിയ ശേഷം മസാലക്കടല മുകളിൽ വിതറി വിളമ്പാം.
