അപ്പത്തിനും ഇടിയപ്പത്തിനും മുട്ടകറി അടിപൊളി കോമ്പിനേഷനാണ്. എന്നും തയാറാക്കുന്ന രീതിയിൽ നിന്നും വ്യത്യസ്തമായി മുട്ടകറി ഉണ്ടാക്കിയിട്ടുണ്ടോ? ഇതാ രുചിയേറും മലായ് എഗ്ഗ് കറി റെസിപ്പി.
ചേരുവകൾ
1.മുട്ട - 4
2.സവാള – 2, അരിഞ്ഞത്
3.പച്ചമുളക് - 4
4.വെളുത്തുള്ളി - 5 അല്ലി
5.പാൽ - 1 കപ്പ്
6.അണ്ടിപരിപ്പ് അല്ലെങ്ങിൽ ബദാം - 15 മുതൽ 20 വരെ, കുതിർത്ത് അരച്ചത്
7.മല്ലിപ്പൊടി - 1 ടേബിൾ സ്പൂൺ
8.കുരുമുളക് പൊടി - ½ ടീസ്പൂൺ
9.മല്ലിയില – പാകത്തിന്
10.ഗരം മസാല- 1 നുള്ള്
11.നെയ്യ് - ½ ടീസ്പൂൺ
12.സൺഫ്ലവർ ഓയിൽ- 1-2ടേബിൾ സ്പൂൺ
13.ഉപ്പ് - പാകത്തിന്
തയാറാക്കുന്ന വിധം
∙സവാളയും 3 പച്ചമുളകും ഇഞ്ചിയും വെളുത്തുള്ളിയും അരച്ചെടുക്കുക.
∙പാൻ ചൂടാക്കി, സവാള പേസ്റ്റും പാകത്തിനുപ്പും ചേർത്തു വഴറ്റുക.
∙ഇതിലേക്ക് ഇഞ്ചിയും വെളുത്തുള്ളിയും ചേർത്തു പച്ചമണം മാറുന്നതവരെ വഴറ്റുക.
∙മല്ലിപ്പൊടിയും കുരുമുളകുപൊടിയും ചേർത്ത് വഴറ്റാം.
∙ഇനി പാൽ ചേർത്തു ഇളക്കുക. ഇത് തിളക്കണം.
∙ഇനി കശുവണ്ടി പേസ്റ്റും 1/2 കപ്പ് ചൂടുവെള്ളവും ചേർക്കുക. ഇത് 3 മുതൽ 4 മിനിറ്റ് വരെ തിളക്കാൻ അനുവദിക്കുക.
∙ഇനി പുഴുങ്ങിയ മുട്ട ചേർത്ത് 2-3 മിനിറ്റ് വേവിക്കുക. ഗ്രേവിയുടെ കട്ടി ക്രമീകരിക്കാൻ തിളച്ച വെള്ളം ചേർക്കാം.
∙ഇനി ഇതിലേക്ക് അരിഞ്ഞ മല്ലിയില, ഒരു നുള്ള് ഗരം മസാല, നെയ്യ് എന്നിവ ചേർക്കുക. മുട്ട പൊട്ടാതെ മിക്സ് ചെയ്യുക...
∙അടുപ്പ് ഓഫ് ചെയ്ത് 10 മിനിറ്റ് മൂടി വയ്ക്കുക. രുചിയൂറും മലായ് എഗ്ഗ് കറി റെഡി.
