1. ഡൈജസ്റ്റീവ് ബിസ്ക്കറ്റ് – ഒരു കപ്പ്, പൊടിച്ചത്
നട്സ് – ഒരു കപ്പ്, പൊടിയായി അരിഞ്ഞത്
വെണ്ണ – 75 ഗ്രാം, ഉരുക്കിയത്
2. ക്രീംചീസ് – 250 ഗ്രാം
പഞ്ചസാര പൊടിച്ചത് – അരക്കപ്പ്
3. മാമ്പഴം – രണ്ട്–മൂന്ന്, പൊടിയായി അരിഞ്ഞത്
4. നാരങ്ങാനീര് – അര–ഒരു ചെറിയ സ്പൂൺ
5. തിക്ക് ക്രീം – ഒരു കപ്പ് + ഒരു കപ്പിന്റെ മൂന്നിലൊന്ന്
6. ജെലറ്റിൻ – ഒരു വലിയ സ്പൂൺ
പാകം െചയ്യുന്ന വിധം
∙ ഒന്നാമത്തെ ചേരുവ യോജിപ്പിച്ചു ചീസ്കേക്കിന്റെ ബേസ് തയാറാക്കി ഡിഷിൽ നിരത്തി അമർത്തി വയ്ക്കുക. ഇതു ഫ്രിഡ്ജിൽ വച്ചു തണുപ്പിക്കണം.
∙ രണ്ടാമത്തെ ചേരുവ ഒരു ബൗളിലാക്കി നന്നായി അടിക്കുക. ഇതിലേക്കു മാമ്പഴത്തിന്റെ പകുതി ചേർത്തടിച്ചു മയപ്പെടുത്തുക.
∙ നാരങ്ങാനീരു ചേർത്തടിച്ച ശേഷം ക്രീമും ചേർത്തു നന്നായി അടിക്കുക.
∙ ജെലറ്റിന് കുതിർത്ത ശേഷം ചൂടുവെള്ളത്തിനു മുകളിൽ പിടിച്ച് ഉരുക്കിയത് ഇതിൽ ചേർത്തിളക്കി ബാക്കിയുള്ള മാമ്പഴം മെല്ലേ ചേർത്തു യോജിപ്പിക്കണം.
∙ ഈ മിശ്രിതം സെറ്റായ ബിസ്ക്കറ്റ് ബേസിനു മുകളിൽ ഒഴിച്ചു ഫ്രിഡ്ജിൽ വച്ചു സെറ്റ് ചെയ്യുക.
∙ മാമ്പഴക്കഷണങ്ങൾ കൊണ്ട് അലങ്കരിച്ചു വിളമ്പാം.