മാമ്പഴത്തോടൊപ്പം പാഷൻഫ്രൂട്ട് കൂടിചേർന്നാൽ പിന്നെ പറയണോ! ഇന്നു തന്നെ പരീക്ഷിക്കാം.
മാംഗോ പാഷൻഫ്രൂട്ട് സൂഫ്ളെ
ബേസിന്
1. ഡൈജസ്റ്റീവ് ബിസ്ക്കറ്റ് – 200 ഗ്രാം, പൊടിച്ചത്
വെണ്ണ – 100 ഗ്രാം
സൂഫ്ളെയ്ക്ക്
2. മുട്ട – ആറ്
3. പഞ്ചസാര – ഒമ്പതു വലിയ സ്പൂൺ
4. കണ്ടൻസ്ഡ് മിൽക്ക് – ഒരു ടിൻ
പാൽ – ഒന്നേകാൽ ടിൻ
5. ജെലറ്റിൻ – എട്ടു െചറിയ സ്പൂൺ
വെള്ളം – നാലു വലിയ സ്പൂൺ
6. ക്രീം – 200 മില്ലി, മെല്ലേ അടിച്ചത്
7. പാഷൻഫ്രൂട്ട് പൾപ്പ് – കാൽ കപ്പ്
8. മാമ്പഴം – ഒന്ന്, പൊടിയായി അരിഞ്ഞത്
മാമ്പഴം അരച്ചത് – കാൽ കപ്പ്
പാകം െചയ്യുന്ന വിധം
∙ഒന്നാമത്തെ ചേരുവ മിക്സിയിൽ അടിച്ചു യോജിപ്പിച്ച ശേഷം സൂഫ്ളെ മോൾഡിന്റെ അടിയിൽ നിരത്തുക.
∙മുട്ടമഞ്ഞയും വെള്ളയും വേർതിരിക്കുക.
∙പഞ്ചസാരയും മുട്ടമഞ്ഞയും ചേർത്തടിക്കണം.
∙നാലാമത്തെ ചേരുവ യോജിപ്പിച്ചതു മുട്ട–പഞ്ചസാര മിശ്രിതം അടിച്ചതിൽ ചേർത്തിളക്കി ഡബിൾ ബോയ്ലിങ് രീതിയിൽ തിളപ്പിച്ചു കുറുക്കുക.
∙ജെലറ്റിൻ വെള്ളത്തിൽ അലിയിച്ചതു ചൂടുള്ള കസ്റ്റേർഡിൽ ചേർത്തിളക്കി ചൂടാറിയ ശേഷം സെറ്റ് െചയ്യാൻ ഫ്രിഡ്ജി ൽ വയ്ക്കുക.
∙മുട്ടവെള്ള നന്നായി അടിച്ചു പതപ്പിച്ചു കട്ടിയാക്കണം.
∙കസ്റ്റേർഡ് പുറത്തെടുത്ത് ഒന്ന് അടിച്ച ശേഷം ക്രീം അടിച്ചതു േചർത്തു യോജിപ്പിക്കുക. ഇതിലേക്കു മുട്ടവെള്ള അടിച്ചതും മെല്ലേ ചേർത്തു യോജിപ്പിക്കുക.
∙ഈ മിശ്രിതം രണ്ടായി ഭാഗിച്ച്, ഒന്നിൽ പാഷൻഫ്രൂട്ട് മിശ്രിതവും അടുത്തതിൽ മാങ്ങാക്കഷണങ്ങളും മാങ്ങാപ്പൾപ്പും േചർത്തു യോജിപ്പിക്കണം.
∙ബിസ്ക്കറ്റ് നിരത്തിയ മോൾഡിൽ ആദ്യം പാഷൻഫ്രൂട്ട് മിശ്രിതവും അതിനു മുകളിൽ മാങ്ങാ മിശ്രിതവും ഒഴിച്ചു വീണ്ടും ഫ്രിഡ്ജിൽ വച്ചു െസറ്റ് െചയ്യുക.
∙ചോക്ലെറ്റും സ്ട്രോബെറിയും മാങ്ങയും കൊണ്ട് അലങ്കരിച്ചു വിളമ്പാം.