മുട്ടയ്ക്കു പകരം പനീർ, ബീഫിനു പകരം സോയയും കടലയും, മീനിനു പകരം വാഴയ്ക്ക, ചിക്കനു പകരം കോളിഫ്ളവർ, മിൻസ് മീറ്റിനു പകരം പച്ചച്ചക്കയും വാഴക്കൂമ്പും... നോൺവെജ് വിഭവങ്ങളുടെ ചേരുവ ഇങ്ങനെയൊന്നു മാറ്റി പരീക്ഷണം നടത്തിയാലോ?
മസാലക്കടല
1. കടല – അരക്കിലോ, കുതിർത്തത്
2. ഉപ്പ് – പാകത്തിന്
വെള്ളം – പാകത്തിന്
മഞ്ഞൾപ്പൊടി – അര ചെറിയ സ്പൂൺ
തേങ്ങാക്കൊത്ത് – അരക്കപ്പ്
3. വെളിച്ചെണ്ണ – പാകത്തിന്
4. കടുക് – അര ചെറിയ സ്പൂൺ
5. സവാള – രണ്ട്, അരിഞ്ഞത്
6. മുളകുപൊടി – ഒരു വലിയ സ്പൂൺ
കുരുമുളകുപൊടി – രണ്ടു ചെറിയ സ്പൂൺ
ഗരംമസാലപ്പൊടി – ഒരു ചെറിയ സ്പൂൺ
7. കറിവേപ്പില – രണ്ടു തണ്ട്
പാകം ചെയ്യുന്ന വിധം
∙ കടല രണ്ടാമത്തെ ചേരുവ ചേർത്തു പ്രഷർ കുക്കറിൽ വേവിക്കുക. വേവിച്ച വെള്ളം ഊറ്റി മാറ്റി വയ്ക്കുക.
∙ പാനിൽ വെളിച്ചെണ്ണ ചൂടാക്കി കടുകു പൊട്ടിച്ച ശേ ഷം സവാള വഴറ്റുക.
∙ ആറാമത്തെ ചേരുവ, കടല വേവിച്ച വെള്ളത്തിൽ കുഴച്ചതു സവാളക്കൂട്ടില് ചേർത്തു വഴറ്റണം.
∙ ഊറ്റിവച്ചിരിക്കുന്ന കടലയും ചേർത്തു നന്നായി വരട്ടിയ ശേഷം ഉപ്പു പാകത്തിനാക്കി കറിവേപ്പില ചേർത്തു വാങ്ങാം.