മീറ്റ് ലോഫ്
1.ബീഫ്/ചിക്കൻ – അരക്കിലോ, മിൻസ് ചെയ്തത്/അരച്ചത്
2.പൊട്ടുകടല – അഞ്ചു വലിയ സ്പൂൺ, വറുത്തു പൊടിച്ചത്
സവാള – രണ്ടു വലുത്, പൊടിയായി അരിഞ്ഞത്
നന്നായി പഴുത്ത തക്കാളി – രണ്ട്, പൊടിയായി അരിഞ്ഞത്
മല്ലിയില – ഒരു പിടി, പൊടിയായി അരിഞ്ഞത്
പച്ചമുളക് – നാല്, പൊടിയായി അരിഞ്ഞത്
മുട്ടവെള്ള – മൂന്ന് മുട്ടയുടേത്
നാരങ്ങാനീര് – ഒരു നാരങ്ങയുടേത്
ബേക്കിങ് പൗഡർ – കാൽ ചെറിയ സ്പൂൺ
ഉപ്പ്, കുരുമുളകുപൊടി – പാകത്തിന്
3.വെണ്ണ ഉരുക്കിയത് – രണ്ടു ചെറിയ സ്പൂൺ
പാകം ചെയ്യുന്ന വിധം
ഒന്നും രണ്ടും ചേരുവകൾ ചേർത്തു നന്നായി യോജിപ്പിക്കുക.
ഒരു ലോഫ്ടിന്നിൽ ഒരു ചെറിയ സ്പൂൺ വെണ്ണ പുരട്ടിയ ശേഷം യോജിപ്പിച്ചു വച്ച ഇറച്ചി മിശ്രിതം, ടിന്നിൽ നിറയ്ക്കുക. ഇതിനു മുകളിൽ ബാക്കിയുള്ള വെണ്ണ ഒഴിക്കണം.
ഇത് അവ്നിൽ വച്ചു ബേക്ക് ചെയ്യുകയോ ആവിയിൽ പുഴുങ്ങുകയോ ചെയ്യാം. ആവിയിൽ പുഴുങ്ങുകയാണെങ്കിൽ ഫോയിൽ പേപ്പർ കൊണ്ടു നന്നായി മൂടണം. വെള്ളം ഉള്ളിൽ പോകാതിരിക്കാനാണിത്.
പാകമാകുമ്പോൾ വാങ്ങി ചൂടാറിയശേഷം കത്തി ഉപയോഗിച്ചു വശങ്ങൾ മെല്ലേ ഇളക്കി, ലോഫ് ടിന്നിൽ നിന്നു പുറത്തെടുത്തു സ്ലൈസ് ചെയ്യുക.
സവാള വട്ടത്തിൽ അരിഞ്ഞതു കൊണ്ട് അലങ്കരിച്ചതും ഇഷ്ടമുള്ള സോസും ചേർത്തു വിളമ്പാം.
കടപ്പാട്
രേഖ ജേക്കബ് പെരിഞ്ചേരി
