മിൽക്ക് ചോക്ലേറ്റ് മൂസ്
1.പാൽ – 80 മില്ലി
ക്രീം – 80 മില്ലി
2.പഞ്ചസാര – ഒരു വലിയ സ്പൂൺ
മുട്ടമഞ്ഞ – മൂന്നു മുട്ടയുടേത്
3.മിൽക്ക് ചോക്ലേറ്റ് – 350 ഗ്രാം, ഗ്രേറ്റ് ചെയ്തത്
4.ജെലറ്റിൻ – അര ചെറിയ സ്പൂൺ
5.വിപ്പിങ് ക്രീം – 430 ഗ്രാം
പാകം ചെയ്യുന്ന വിധം
ഒരു പാനിൽ ഒന്നാമത്തെ ചേരുവ യോജിപ്പിച്ചു തിളപ്പിക്കുക.
പഞ്ചസാരയും മുട്ടമഞ്ഞയും നന്നായി അടിച്ചു പഞ്ചസാര മുഴുവൻ അലിഞ്ഞശേഷം ഇതു ചെറുചൂടുള്ള പാൽ മിശ്രിതത്തിൽ ചേർത്തിളക്കണം.
ഇതിലേക്കു ചോക്ലേറ്റ് ഗ്രേറ്റ് ചെയ്തതും ജെലറ്റിൻ ചെറുചൂടുവെള്ളത്തിൽ അലിയിച്ചതും ചേർത്തിളക്കി നന്നായി ഇളക്കുക.
ചോക്ലേറ്റ് മുഴുവൻ അലിയണം. നന്നായി ചൂടാറിയശേഷം ഇതിലേക്കു ക്രീം മെല്ലേ ചേർത്തു യോജിപ്പിക്കുക.
ഇഷ്ടമുള്ള ഗ്ലാസുകളിലാക്കി ഒരു മണിക്കൂർ ഫ്രിഡ്ജിൽ വച്ചു സെറ്റ് ചെയ്തു വിളമ്പാം.
കടപ്പാട്
അശോക് ഈപ്പൻ
എക്സിക്യൂട്ടീവ് ഷെഫ്
