പൈ തയാറാക്കാൻ
1. മൈദ ഇടഞ്ഞത് – 380 ഗ്രാം
കൊക്കോ പൗഡർ – രണ്ടു വലിയ സ്പൂൺ
2. വെണ്ണ – 140 ഗ്രാം
3. പഞ്ചസാര പൊടിച്ചത് – രണ്ടു വലിയ സ്പൂൺ
തണുത്തവെള്ളം – ഒന്ന് – രണ്ടു വലിയ സ്പൂൺ
ഫില്ലിങ്ങിന്
4. വെണ്ണ – 175 ഗ്രാം
ബ്രൗൺഷുഗർ – ഒന്നേമുക്കാൽ കപ്പ്
5. മുട്ട – നാല്, മെല്ലേ അടിച്ചത്
കൊക്കോ പൗഡർ ഇടഞ്ഞത് – നാലു വലിയ സ്പൂൺ
6. സെമി സ്വീറ്റ് ചോക്ലെറ്റ് – 150 ഗ്രാം, ഉരുക്കിയത്
7. ക്രീം – ഒന്നേകാൽ കപ്പ്
അലങ്കരിക്കാൻ
8. ഹെവി ക്രീം – രണ്ടു കപ്പ്, അടിച്ചത്
ചോക്ലെറ്റ് കഷണങ്ങൾ, ചോക്ലെറ്റ് ചുരുളുകൾ
പാകം ചെയ്യുന്ന വിധം
∙ ഒന്നാമത്തെ ചേരുവ ഇടഞ്ഞ് ഒരു ബൗളിലാക്കി വെണ്ണ ചേർത്തു വിരലുകൾ കൊണ്ടു യോജിപ്പിക്കുക.
∙ റൊട്ടിപ്പൊടി പരുവമാകുമ്പോൾ പഞ്ചസാരയും പാകത്തിനു വെള്ളവും ചേർത്തു യോജിപ്പിച്ചു മയമുള്ള മാവു തയാറാക്കണം.
∙ ഇത് ഒരു ക്ലിങ് ഫിലിം കൊണ്ടു മൂടി 15 മിനിറ്റ് ഫ്രിഡ്ജിൽ വയ്ക്കുക.
∙ അവ്ൻ 1900Cൽ ചൂടാക്കിയിടണം.
∙ മാവ് പൊടി തൂവിയ തട്ടിൽ വച്ചു പരത്തി ഒൻപതിഞ്ചു വലു പ്പമുള്ള ടാർട്ട് പാനിലോ സെറാമിക് പൈ ഡിഷിലോ ലൈൻ ചെയ്യുക.
∙ ഇതിനു മുകളിൽ ബട്ടർ പേപ്പറിട്ട് ഉള്ളിൽ ഉണങ്ങിയ പയർ നിറയ്ക്കുക. ഇത് ചൂടാക്കിയിട്ടിരിക്കുന്ന അവ്നിൽ വച്ച് 15 മിനിറ്റ് ബേക്ക് ചെയ്യണം.
∙ അവ്നിൽ നിന്നു പുറത്തെടുത്ത് പേപ്പറും പയറും മാറ്റിയ ശേഷം വീണ്ടും 10 മിനിറ്റ് കൂടി ടാർട്ട് ഷെൽ ബേക്ക് ചെയ്യുക. ഇത് അവ്നിൽ നിന്നു പുറത്തെടുത്ത് ഒരു വയർ റാക്കിൽ ചൂടാറാൻ വയ്ക്കണം.
∙ ഫില്ലിങ് തയാറാക്കാൻ വെണ്ണയും ബ്രൗൺ ഷുഗറും ചേർത്തു നന്നായി അടിക്കുക. ഇതിൽ കൊക്കോയും മുട്ടയും കുറേശ്ശെ ചേർത്ത് അടിച്ചു യോജിപ്പിക്കണം.
∙ ചോക്ലെറ്റ് ഉരുക്കിയതും ചേർത്ത് അടിച്ച ശേഷം ക്രീം ചേർത്തു യോജിപ്പിക്കുക.
∙ അവ്ന്റെ ചൂട് 1600C ആയി കുറച്ചിടണം.
∙ തയാറാക്കിയ ചോക്ലെറ്റ് മിശ്രിതം പേസ്ട്രി ഷെല്ലിലൊഴിച്ച് 45 മിനിറ്റ് ബേക്ക് ചെയ്യുക. സെറ്റാകുന്നതാണ് പാകം.
∙ ചൂടാറിയ ശേഷം വിളമ്പാനുള്ള പാത്രത്തിലേക്കു മാറ്റി വിപ്ഡ് ക്രീം മുകളിൽ വയ്ക്കുക. ചോക്ലെറ്റ് കൊണ്ട് അലങ്കരിച്ച് തണുപ്പിച്ചു വിളമ്പാം.
കടപ്പാട്: പാർട്ടി! സിംപിൾ ആൻഡ് ഡെലീഷ്യസ് പാർട്ടി ഫൂഡ്