മഷ്റൂം മസാല
1.മഷ്റൂം – 200 ഗ്രാം
2.വെളിച്ചെണ്ണ – രണ്ടു വലിയ സ്പൂൺ
3.ഇഞ്ചി–വെളുത്തുള്ളി ചതച്ചത് – ഒരു വലിയ സ്പൂൺ
4.സവാള – മൂന്ന്, പൊടിയായി അരിഞ്ഞത്
5.കശ്മീരി മുളകുപൊടി – രണ്ടു ചെറിയ സ്പൂൺ
മഞ്ഞൾപ്പൊടി – കാൽ ചെറിയ സ്പൂൺ
മല്ലിപ്പൊടി – അര ചെറിയ സ്പൂൺ
6.തക്കാളി – ഒന്ന്, അരച്ചത്
ഉപ്പ് – പാകത്തിന്
പച്ചമുളക് – മൂന്ന്
കറിവേപ്പില – ഒരു തണ്ട്
7.ഗരംമസാലപൊടി – കാൽ ചെറിയ സ്പൂൺ
കുരുമുളകുപൊടി – മുക്കാൽ ചെറിയ സ്പൂൺ
കശുവണ്ടിപ്പരിപ്പ് അരച്ചത് – അര വലിയ സ്പൂൺ
തേങ്ങാപ്പാൽ – കാൽ കപ്പ്
9.മല്ലിയില അരിഞ്ഞത് – രണ്ടു വലിയ സ്പൂൺ
പാകം ചെയ്യുന്ന വിധം
∙മഷ്റും വൃത്തിയാക്കി മുറിച്ചു വയ്ക്കുക.
∙പാനിൽ വെളിച്ചെണ്ണ ചൂടാക്കി ഇഞ്ചിയും വെളുത്തുള്ളിയും ചേർത്തു വഴറ്റി പച്ചമണം മാറുമ്പോൾ സവാള ചേർത്തു വഴറ്റണം.
∙സവാള കണ്ണാടിപ്പരുവമാകുമ്പോൾ നാലാമത്തെ ചേരുവ ചേർത്തു വഴറ്റുക.
∙ആറാമത്തെ ചേരുവയും ചേർത്തു വഴറ്റി എണ്ണ തെളിയുമ്പോൾ മഷ്റൂം ചേർത്തിളക്കി വേവിക്കുക.
∙പകുതി വേവാകുമ്പോൾ ഏഴാമത്തെ ചേരുവ ചേർത്തു വേവിച്ചു വാങ്ങുക.
∙മല്ലിയില വിതറി വിളമ്പാം.
