ഫോട്ടോ : വിഷ്ണു നാരായണൻ, ഫോട്ടോയ്ക്കു വേണ്ടി വിഭവങ്ങള്‍ തയാറാക്കിയത് : മെർലി എം. എൽദോ
1. മട്ടൺ – ഒരു കിലോ, കഷണങ്ങളാക്കിയത്
സവാള – രണ്ട്, പൊടിയായി അരിഞ്ഞത്
മഞ്ഞൾപ്പൊടി – അര ചെറിയ സ്പൂൺ
വിനാഗിരി – ഒരു വലിയ സ്പൂൺ
ഉപ്പ് – പാകത്തിന്
2. പുതിനയില – രണ്ടു കപ്പ്
മല്ലിയില – ഒരു കപ്പ്
പച്ചമുളക് – എട്ട്
ഗരംമസാലപ്പൊടി – ഒന്നര ചെറിയ സ്പൂൺ
3. എണ്ണ – പാകത്തിന്
4. സവാള – രണ്ട്, കനം കുറച്ചു നീളത്തിൽ അരിഞ്ഞത്
പാകം ചെയ്യുന്ന വിധം
∙ ഒന്നാമത്തെ ചേരുവ ഒരു പാത്രത്തിലാക്കി നന്നായി തിരുമ്മി യോജിപ്പിക്കുക.
∙ ഇതു കുക്കറിലേക്കു മാറ്റി അടുപ്പത്തു വച്ചു വേവിച്ചു വെള്ളം വറ്റിക്കണം.
∙ വെള്ളം വറ്റിയ ശേഷം രണ്ടാമത്തെ ചേരുവയും പാകത്തിനു വെള്ളവും ചേർത്തു കുക്കര്‍ അടച്ചു വേവിക്കണം. ചാറു നന്നായി വറ്റണം.
∙ പാനിൽ എണ്ണ ചൂടാക്കി സവാള വഴറ്റിയ ശേഷം ഇറച്ചി ചേർത്തു നന്നായി ഇളക്കി വരട്ടിയെടുക്കണം.
