ചക്കപ്പുഴുക്ക്
1. ചക്കച്ചുള കുരു കളഞ്ഞ് അരിഞ്ഞത് – രണ്ടു കപ്പ്
2. മഞ്ഞൾപ്പൊടി – അര ചെറിയ സ്പൂൺ
ഉപ്പ് – പാകത്തിന്
അരയ്ക്കാൻ
3. തേങ്ങ ചുരണ്ടിയത് – അരക്കപ്പ്
ജീരകം – അര ചെറിയ സ്പൂൺ
കുരുമുളക് – നാലു മണി
ചുവന്നുള്ളി – മൂന്ന്
പച്ചമുളക് – നാല്
വെളുത്തുള്ളി – രണ്ട് അല്ലി
താളിക്കാൻ
4. എണ്ണ – ഒന്നോ രണ്ടോ ചെറിയ സ്പൂൺ
5. കടുക് – ഒരു ചെറിയ സ്പൂൺ
6. ചുവന്നുള്ളി – മൂന്ന്, കനം കുറച്ചരിഞ്ഞത്
7. കറിവേപ്പില – പാകത്തിന്
പാകം ചെയ്യുന്ന വിധം
∙ ചക്ക രണ്ടാമത്തെ ചേരുവ ചേർത്തു വേവിക്കുക.
∙ മൂന്നാമത്തെ ചേരുവ തരുതരുപ്പായി അരച്ചു വേവിച്ച ചക്കമിശ്രിതത്തിലേക്കു ചേർത്തു, ചെറുതീയിൽ വച്ചു ചക്കയും അ രപ്പും നന്നായി യോജിപ്പിക്കണം.
∙ ഒരു പാനിൽ എണ്ണ ചൂടാക്കി കടുകു പൊട്ടിക്കുക. ഇതിലേക്കു ചുവന്നുള്ളി ചേർത്തു മൂപ്പിക്കണം. ഗോൾഡൻ നിറമായാൽ കറിവേപ്പില കൂടി ചേർത്തശേഷം ചക്ക മിശ്രിതത്തിൽ ഒഴിച്ചു മാങ്ങ അച്ചാറിനൊപ്പമോ മീൻകറിക്കൊപ്പമോ വിളമ്പാം.
മത്തങ്ങ–പയർ എരിശ്ശേരി
1. മത്തങ്ങ – അരക്കിലോ
2. വൻപയർ – 100 ഗ്രാം, കുതിർത്തത്
3. ഉപ്പ് – പാകത്തിന്
4. മഞ്ഞൾപ്പൊടി – അര ചെറിയ സ്പൂൺ
മുളകുപൊടി – അര ചെറിയ സ്പൂൺ
അരയ്ക്കാൻ
5. തേങ്ങ ചുരണ്ടിയത് – അരക്കപ്പ്
വെളുത്തുള്ളി – മൂന്ന് അല്ലി
ചുവന്നുള്ളി – രണ്ട്
ജീരകം – കാൽ ചെറിയ സ്പൂൺ
മഞ്ഞൾപ്പൊടി – കാൽ ചെറിയ സ്പൂൺ
മുളകുപൊടി – അര ചെറിയ സ്പൂൺ
താളിക്കാൻ
6. എണ്ണ – മൂന്നു ചെറിയ സ്പൂൺ
7. കടുക് – ഒരു ചെറിയ സ്പൂൺ
8. ഉഴുന്നുപരിപ്പ് – ഒരു ചെറിയ സ്പൂൺ
വറ്റൽമുളക് – മൂന്ന്, മുറിച്ചത്
കറിവേപ്പില – പാകത്തിന്
9. തേങ്ങ ചുരണ്ടിയത് – അരക്കപ്പ്
പാകം ചെയ്യുന്ന വിധം
∙ മത്തങ്ങ തൊലിയും കുരുവും കളഞ്ഞു ചതുരക്കഷണങ്ങളാക്കി വയ്ക്കുക.
∙ വൻപയർ പാകത്തിനുപ്പും വെള്ളവും ചേർത്തു വേവിക്കുക.
∙ പകുതി വേവാകുമ്പോൾ മത്തങ്ങ കഷണങ്ങളാക്കിയതും നാലാമത്തെ ചേരുവയും ചേർത്തു മത്തങ്ങ മൃദുവാകും വ രെ വേവിക്കണം.
∙ ഇതിലേക്കു തരുതരുപ്പായി അരച്ച അഞ്ചാമത്തെ ചേരുവ ചേ ർത്തിളക്കി ഇടത്തരം തീയിൽ വയ്ക്കുക.
∙ ഒരു പാനിൽ എണ്ണ ചൂടാക്കി കടുകു പൊട്ടിച്ചശേഷം എട്ടാമ ത്തെ ചേരുവ ചേർത്തു മൂപ്പിക്കുക. ഇതിലേക്കു തേങ്ങ ചുര ണ്ടിയതും ചേർത്തു ഗോൾഡൻ നിറമാകും വരെ വറുെത്തടുക്കുക. ഈ മിശ്രിതം കറിയിൽ ചേർത്തിളക്കി ചോറിനൊപ്പം വിളമ്പാം.
പാചകക്കുറിപ്പുകൾക്കു കടപ്പാട്: നിമി സുനിൽകുമാർ