തയാറാക്കിയത്:
ശില്പ ബി. രാജ്
ഫോട്ടോ: സരുൺ മാത്യു. ഫോട്ടോയ്ക്കു വേണ്ടി
വിഭവങ്ങൾ തയാറാക്കിയത്: റെജിമോന്‍ പി. എസ്.
കിച്ചണ്‍ എക്സിക്യൂട്ടീവ് ക്രൗണ്‍ പ്ലാസ
കൊച്ചി.
പച്ചടി
1. പൈനാപ്പിള്‍ – 200 ഗ്രാം, കഷണങ്ങളാക്കിയത്
2. ഉപ്പ് – പാകത്തിന്
മഞ്ഞള്‍പ്പൊടി – ഒരു ചെറിയ സ്പൂണ്‍
3. തേങ്ങ – ഒന്നിന്റെ പകുതി, അരച്ചത്
4. തൈര് – അര ലീറ്റര്‍, അടിച്ചത്
5. വെളിച്ചെണ്ണ – 50 ഗ്രാം
6. കടുക് – രണ്ടു ചെറിയ സ്പൂണ്‍
വറ്റല്‍മുളക് – മൂന്ന്
ജീരകം – രണ്ടു ചെറിയ സ്പൂണ്‍
കറിവേപ്പില – രണ്ടു തണ്ട്
പാകം ചെയ്യുന്ന വിധം
∙ പൈനാപ്പിളില്‍ ഉപ്പും മഞ്ഞള്‍പ്പൊടിയും ചേര്‍ത്തു നന്നായി തിരുമ്മി വയ്ക്കുക.
∙ ഇത് അടുപ്പില്‍ വച്ച് വേവിക്കണം.
∙ ഇതിലേക്ക് തേങ്ങ അരച്ചതു ചേര്‍ത്തു ചൂടാക്കുക.
∙ വാങ്ങി ചൂടാറിയ ശേഷം തൈരില്‍ ചേര്‍ത്തിളക്കാം.
∙ ചീനച്ചട്ടിയില്‍ വെളിച്ചെണ്ണ ചൂടാക്കി ആറാമത്തെ ചേരുവ താളിച്ചു പച്ചടിയില്‍ ചേര്‍ത്തു വിളമ്പാം.
കിച്ചടി
1. ബീറ്റ്റൂട്ട് – 200 ഗ്രാം, പൊടിയായി അരിഞ്ഞത്
2. ഉപ്പ് – പാകത്തിന്
മുളകുപൊടി – രണ്ടു ചെറിയ സ്പൂണ്‍
മഞ്ഞള്‍പ്പൊടി – ഒരു ചെറിയ സ്പൂണ്‍
3. തേങ്ങ – ഒന്നിന്റെ പകുതി, അരച്ചത്
4. തൈര് – അര ലീറ്റര്‍, അടിച്ചത്
5. വെളിച്ചെണ്ണ – 50 ഗ്രാം
6. കടുക് – രണ്ടു ചെറിയ സ്പൂണ്‍
വറ്റല്‍മുളക് – രണ്ട്–മൂന്ന്
കറിവേപ്പില – രണ്ടു തണ്ട്
പാകം ചെയ്യുന്ന വിധം
∙ ബീറ്റ്റൂട്ട് ഒരു പാത്രത്തിലാക്കി രണ്ടാമത്തെ ചേരുവ ചേര്‍ത്തു വേവിക്കുക.
∙ ഇതിലേക്കു തേങ്ങ അരച്ചതു ചേര്‍ത്തു വേവിച്ച ശേഷം വാങ്ങി ചൂടാറാന്‍ വയ്ക്കണം.
∙ വേവിച്ചു വച്ച ബീറ്റ്റൂട്ട് മിശ്രിതം തൈര് അടിച്ചതില്‍ ചേര്‍ത്തിളക്കുക.
∙ ചീനച്ചട്ടിയില്‍ വെളിച്ചെണ്ണ ചൂടാക്കി ആറാമത്തെ ചേരുവ താളിച്ചു കിച്ചടിയില്‍ ചേര്‍ത്തു വിളമ്പാം.
