പനീര് മസാല
1.കട്ടത്തൈര് – 250 ഗ്രാം
കശ്മീരി മുളകുപൊടി – ഒന്നര വലിയ സ്പൂൺ
മഞ്ഞൾപ്പൊടി – ഒരു ചെറിയ സ്പൂൺ
ഉപ്പ് – പാകത്തിന്
ആംചൂർ പൗഡർ – ഒരു വലിയ സ്പൂൺ
മല്ലിപ്പൊടി – ഒരു വലിയ സ്പൂൺ
ഗരംമസാലപൊടി – ഒരു വലിയ സ്പൂൺ
കടലമാവ്, വറുത്തത് – ഒന്നര വലിയ സ്പൂൺ
എണ്ണ – രണ്ടു വലിയ സ്പൂൺ, ചെറു ചൂടോടെ
2.എണ്ണ – ഒരു വലിയ സ്പൂൺ
വെണ്ണ – ഒരു വലിയ സ്പൂൺ
3.ജീരകം – ഒരു ചെറിയ സ്പൂൺ
മല്ലി – അര ചെറിയ സ്പൂൺ
ബേ ലീഫ് – രണ്ട്
4.സവാള – രണ്ടു വലുത്, പൊടിയായി അരിഞ്ഞത്
5.ഇഞ്ചി–വെളുത്തുള്ളി പേസ്റ്റ് – രണ്ടു വലിയ സ്പൂൺ
6.തക്കാളി – നാല്, അരച്ചത്
7.പനീർ – 400 ഗ്രാം
8.ഇഞ്ചി, നീളത്തിൽ അരിഞ്ഞത് – ഒരു വലിയ സ്പൂൺ
പച്ചമുളക് – മൂന്ന്, നീളത്തിൽ അരിഞ്ഞത്
മല്ലിയില, പൊടിയായി അരിഞ്ഞത് – രണ്ടു വലിയ സ്പൂൺ
കസൂരി മേത്തി – ഒരു വലിയ സ്പൂൺ
പാകം ചെയ്യുന്ന വിധം
∙ഒരു ബൗളിൽ ഒന്നാമത്തെ ചേരുവ യോജിപ്പിച്ചു മാറ്റി വയ്ക്കുക.
∙പാനിൽ എണ്ണയും വെണ്ണയും ചൂടാക്കി മൂന്നാമത്തെ ചേരുവ വഴറ്റുക.
∙പച്ചമണം മാറുമ്പോൾ സവാള വഴറ്റണം.
∙ഗോൾഡൻ ബ്രൗണ് നിറമാകുമ്പോൾ ഇഞ്ചി–വെളുത്തുള്ളി പേസ്റ്റു ചേർത്തു വഴറ്റുക.
∙ഇതിലേക്കു തയാറാക്കിയ തൈരു മിശ്രിതം ചേർത്തിളക്കി എണ്ണ തെളിയുമ്പോൾ തക്കാളിയും ചേർത്തിളക്കണം.
∙പനീർ ചെറുതായി പൊടിച്ചു ചേർത്ത് ഇളക്കി മൂടിവച്ചു വേവിക്കുക.
∙വെന്തു കുറുകി വരുമ്പോൾ എട്ടാമത്തെ ചേരുവയും ചേർത്തിളക്കി വാങ്ങാം.
∙ചൂടോടെ ചപ്പാത്തിക്കൊപ്പം വിളമ്പാം.
